1048
Халхын голой байлдаанай Илалтын 80 жэлэй ойн баярта дашарамдуулан, һайндэрэй хэмжээ ябуулга Улаан-үдын Илалтын хүшөөгэй дэргэдэ августын 15-да 11.00 сагта эмхидхэгдэхэ.
Тус хэмжээ ябуулгада Улаан-Үдын ажаһуугшад, патриотическа нэгэдэлнүүдэй түлөөлэгшэд, олониитын эмхинүүд, һурагшад болон оюутад хабаадаха.
Буряад Уласай спортын болон залуушуулай бодолгын талаар яаман Улаан-Үдэ хотын захиргаантай хамта «Пламя гордости за Победу» гэһэн акциин хэмжээндэ уласхоорондын V экспедицидэ хабаадагшадтай уулзалга эмхидхэхэ юм. Иркутск – Шелехов – Слюдянка – Байкальск - Улаан-Үдэ – Хяагта – Дархан - Улаан-Баатар – Халхын гол - Улаан-Баатар – Хяагта – Иркутск гэһэн замаар автоунаануудаар ябаха гэһэн түсэл юрэнхылэгшын грантда хүртэһэн юм. Эдэнэр 5 000 модоной зай гаталха.
Экспедицидэ хабаадагшад залуушуултай уулзалгануудые эмхидхэжэ, Халхын голой байлдаанай түүхээр лекцинүүдые үнгэргэжэ, баглаа сэсэгүүдые хүшөөдэ дэлгэжэ, тамирай хэмжээ ябуулгануудые эмхидхэжэ, тоглолто харуулха юм. Тиихэдэ хүшөөнүүдые заһабарилха, дурасхаалай тэмдэгүүдые тодхожо, байлдаанай газарта бэдэрэлгын ажал ябуулха оршон байгуулха.
Хэмжээ ябуулгын дүнгүүдээр, «Халхын гол: 80 жэл» гэһэн фильм буулгажа, эрдэмэй-практическа хуралдаанай ажалай согсолбори бэлдэгдэхэ юм.
Буряад Уласай Болбосоролой болон эрдэм ухаанай яаманай мэдээсэлэй албанай гэрэл зураг
