345
Буряад Уласай Толгойлогшо Алексей Цыденов «Единая Россия» намай Буряадтахи таһагай суглаанда хүтэлбэрилэгшөөр һунгагдажа, намай ажалай гол бодолнуудые элирүүлээ, тиихэдээ парти хадаа хүнүүдые шагнажа, дуулажа ажалай эдэбхитэй, таһалгаряагүй ябуулха ёһотой. «Энээнһээ урид партиин ажал ёһоор гуримшуулагдаагүй байгаа» гэжэ нэмэбэ.
Мартын 11-дэ «Единая Россия» намай Буряадтахи таһагай XXX суглаан үнгэргэгдэжэ, тэрэнэй хүтэлбэрилэгшөөр Алексей Цыденов һунгагдаба.
- Дэмжэһэндэтнай баяр хүргэнэб. Ажал эршэтэйгээр ябуулхабди. «Единая Россия» намые миин лэ юрэл хүтэлбэрилхэгүй гэжэ оролдохоб. Партиин ажал эдэбхижүүлжэ, партиин гэшүүдтэй ажал ябуулха, засаг зургаан нэгэ командаар ажалллаха, беэ беэ хаража, шагнаха ёһотойбди, - гэжэ уласай хүтэлбэрилэгшэ хэлэбэ.
Тэрэнэй хэлэһээр, парти ганса стратегическэ зорилгонуудтай бэшэ, харин ажахын асуудалнуудтай. Эмхинүүд орохо гэртэй, техникэтэй байха ёһотой.
Буряад Уласай Толгойлогшо суглаанда элидхэхэдээ, ганса «Единая Россия» намай асуудалнуудаар бэшэ, харин гүрэн доторой политическэ байдал, ниигэмэй болон эдэй засагай дэлхэйн гурим тухай хэлээ.
- Дэлхэйн экономикодо эхилһэн үйлэ хэрэгүүд манай ажабайдал багаар хубилгана. Дэлхэйн дэлгүүрнүүд панхаруутажа, дэлхэйн эдэй засаг хубилха, энээнһээ урид болоһон кризистэл адляар. Ородой Холбоото Уласта энэ заатагүй үзэгдэхэ. Тиимэһээ гүрэнэй урда шииидхэхэ асуудалнууд олон. Тохёолдоһон байдалда мүнөө хүл дээрэ батаар зогсожо, һонороор хараха шухала, - гэжэ уласай Толгойлогшо тэмдэглэжэ, дэлхэйдэ тогтууригүй болоһоншье һаань, Буряад уласта үндэһэн түсэлнүүд бэелүүлэгдэһээр байха.
- Гансашье ниигэмэй бэшэ, харин бюджетнэ шиидхэбэринүүдые абахадаа партиин гэшүүд, тиихэдэ һомонуудай хүтэлбэрилэгшэд хаабадалсаха. Энэ ажал гуримтай хэгдэдэг, хүнүүд өөһэдөө юу хэхэ гэжэ элирүүлдэг. Энэ хадаа ТОСууд болоно. Тиигэбэшье шухалань хадаа – хүнүүднай юу хэнэдб гэжэ ойлгожо, шагнажа абаха. Бидэ мүнөө Бэшүүр, Мухар-Шэбэр, Сэлэнгэ, Хяагта аймагуудта вайберта холбоо бариха чат байгуулаабди, тэрэнэй ашаар бидэ бүхы ажал бүгэдыень харанагүйбди гэжэ ойлгообди. Хүнүүдэй зарим шухала асуудалнуудые харанагүйбди. Арадай үүсхэл дэмжэжэ, хэрэглэхэ хэрэгтэй, - Алексей Цыденов хэлэбэ.
Түгэсхэлэй үгэ хэлэхэдээ, Буряадай Толгойлогшо «Единая Россия» намай ажалай байһан гурим бүри ашаг үрэтэйгөөр хэрэглэжэ, ажаһуугшадаа шагнаха гэжэ тэмдэглэбэ.
