Хүндэтэ уншагшад, анхарыт!

Эмхидхэгшэд:

“Буряад үнэн” Хэблэлэй байшан, Бүгэдэ Буряадай үндэһэн соёлой эблэл.

Конкурсын гол зорилго:

Ажабайдалдаа, ажал хүдэлмэридөө һайн һайхан жэшээ болоһон, гүнзэгы зөөлэн сэдьхэлтэй, үндэр хурса бэлигтэй, сэбэр гоё хүнүүдые зураглан харуулжа, олоной анхаралда дурадхалга.

1. Конкурс зургаан тусхай янзаһаа (номинациһаа) бүридэнэ:

 

1. “Аламжа Мэргэн Арюун Гоохон хоёр - 24”;
2. “Гуа сэсэн хатан - 24”;
3. “Эхэ-Герой – 24”;
4. “Хүгшэн эжын хүндэ тэмдэг - 24”;
5. “Баатарай соло - 24”;
6. “Баатар Мэргэн - 24”; 
7. “Сагаан үбгэн - 24”;
8. “Эрхим автор”.

 

1. Конкурсдо хабаадахын тула юун хэрэгтэйб:

 

1. Найруулга бэшэг - Tims New Roman шрифтээр 14 хэмжээнэй үзэгүүдтэй 3-4 хуудаһанһаа дээшэ байха ёһогүй;
2. Фото-зураг - 6+9 см хэмжээнһээ бага бэшэ;
3. [email protected] найруулга бэшэгээ эльгээхэ, али гэбэл, Улаан-Үдэ хото, Каландаришвилиин гудамжа, 23 хаягаар 52-дохи каб. оруулжа үгэхэдэ болоно.

 

• Конкурсдо хэд хабаадаха аргатайб:

 

Ямаршье мэргэжэлэй, ямаршье наһанай хүн найруулгын гуримда таараха геройе олоо һаа, конкурсдо хабаадаха аргатай.

 

 

1. Найруулгын гурим:

 

1. “Аламжа Мэргэн Арюун Гоохон хоёр – 24”. Үнжэгэн арюухан мэдэрэлээ гамтайгаар сахин, гал гуламтаяа һайханаар тахижа ябаһан, зон соо хүндэтэй үбгэ һамган хоёр тухай магтаал – найруулганууд эндэ толилогдохо.
2. “Гуа сэсэн хатан – 24”. Ажабайдалдаа, ажалдаа амжалтатай, аза золтой, 25-һаа 55 хүрэтэр наһанай эхэнэрнүүд - багша, эмшэн, юрист, олзын хэрэг эрхилэгшэ, малшан - фермер гү, али бусадшье ондоо мэргэжэлтэйшүүл тухай магтаал-хөөрөөнүүдые дуратайгаар ниитэлүүлхэбди.
3. “Эхэ-Герой – 24”. Олон хүүгэдэй жаргалтай эхэ тухай зураглалнуудые толилхобди.
4. “Хүгшэн эжын хүндэ тэмдэг - 24”. Ажабайдалдаа, ажалдаа амжалтатай, аза золтой, 55-һаа дээшэ наһанай эхэнэрнүүд тухай хөөрөөнүүд хэблэгдэхэ.    
5. “Баатарай соло - 24”. Сэрэгэй тусхай операцида (СВО) алба хэжэ ябаһан баатар хүбүүд тухай зураглалнуудые хүлеэн абанабди.
6. “Баатар Мэргэн – 24”. Арадай ажахын, эрдэм ухаанай, бэеын тамирай, искусство болон литературын, олзын хэрэг эрхилэлгын болон бусад али олон һалбаринуудта онсо шалгарһан, 60 хүрэтэр наһанай эрэ хүн тухай найруулгануудые сониндомнай мүн лэ хүндэтэйгөөр хүлеэн абтаха.
7. “Сагаан үбгэн – 24”. 60-һаа дээшэ наһатай, өөр өөрынгөө мэргэжэлээр оюун болбосоролой манлайе туйлаһан, олониитэ соогоо онсо хүндэтэй бүһэтэйшүүл тухай энэ ниитэ гаршаг доро хөөрэжэ байхабди.
8. “Эрхим автор”. Онсо өөрэ маягтайгаар бэшээтэй байхын хажуугаар уран нугархай хэлэтэй зураглалнуудые бэшэгшэд шагнагдаха.

 

1. Конкурсын шангууд:

Конкурсын тусхай янзада (номинацида) илалта туйлаһан хүнүүдтэ – найруулгын геройдо болон авторта гол шангууд барюулагдаха. Урмашуулгыншье шангууд байха.

 

1. Конкурсын дүн:

Байгша оной декабриин 21-дэ – «Буряад үнэнэй» байгуулагдаһан үдэртэ соносхогдохо.

 

• Шангууд:

Шангууд баяр ёһололой, найр нааданай оршон байдалда барюулагдаха. Республикын дээдын засагай түлөөлэгшэд, аймагууд болон ажахынууд, предприяти болон эмхинүүд, акционернэ бүлгэмүүд болон хубиин хэрэг эрхилэгшэд конкурсын шангай жаса (фонд) байгуулгада, шан барюулалгада хабаадалсаха аргатай.

 

“Буряад үнэн” сониной редакци