649
Октябриин 1, гарагай 3, буряад-монгол литээр 29.
Нирманарати замбиһаа бурхад буужа, хүн зоной мууе, һайе үйлэдэһые шалгана.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ һайн үдэр. Муу муухайе, далдын юумые дарахада, дайсадаа номгодхоходо һайн.
«Үхэлэй» үүдэн нээгдэнэ: наһа барагшын хэрэг үйлэдэхэгүй. Бэри буулгахагүй, адуу мал худалдахагүй, аралжаа наймаа ябуулхагүй, хүүр залахагүй.
Энэ үдэр харгыда гарахада, баруун зүг руу муу, бэшэ зүгүүд руу гэмгүй.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг; тахяа, бишэн жэлтэндэ муу үдэр - һэргэг ябаха хэрэгтэй.
Үһэеэ абхуулхада – һүнэһэн зайлаха.
Октябриин 2, гарагай 4, буряад-монгол литээр 30.
Бурхан багшын дүйсэн үдэр.
Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ, айраг тараг бүрихэдэ һайн.
«Ниитын» үүдэн нээгдэнэ: суглаа зарлахагүй, шухала уулзалга эмхидхэхэгүй. Бэри буулгахагүй.
Энэ үдэр харгыда гарахада, зүүн зүг руу муу, бэшэ тээшээ зүглэхэдэ гэмгүй.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр, морин, могой жэлтэн һэргэг байхые оролдог.
Үһэеэ абхуулхада – хэрүүл аманда, заргада, аюулда.
Октябриин 3, гарагай 5, буряад-монгол литээр шэнын 1.
Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэхэдэ һайн. Һанаһанаа бүтээхэдэ, худаг малтахада, газар хахалхада һайн үдэр.
«Айлшанай» үүдэн нээгдэнэ: айлшадые урихагүй.
Энэ үдэр харгыда гарахада, зүүн зүг руу муу, бэшэ тээшэ һайн.
Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн; үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – наһан хорохо.
Октябриин 4, гарагай 6, буряад-монгол литээр шэнын 2.
Амгалан тайбанай, хониной хэшэг даллага абахада һайн. Тушаал эзэлхэдэ, пеэшэн табихада, үрэһэ тарихада болон арьбажуулгын үйлэнүүдтэ һайн үдэр.
«Наймаанай» үүдэн нээгдэнэ: олзын хэрэг эрхилхэгүй.
Энэ үдэр «морин үхэхэ, эмээл хухарха» ушарһаа харгыда гарахада муу, илангаяа зүүн зүг руу.
Хонин, тахяа, бишэн жэлтэнэй урагшатай һайн үдэр; морин, бишэн жэлтэнэй буянай үдэр; бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – үбшэ хабшанда, хэрүүл аманда, заргада.
Октябриин 5, гарагай 7, буряад-монгол литээр шэнын 3.
Бальжинима (Согто) үдэр амиды ба нүгшэһэнэй ямаршье үйлэдэ һайн. Энэ сагта Синпүн гэхэ мэтэ газарай бусад эзэдэй байгаашье, али үгышье һаань, согто хутаг, буян болохо. Амгалан жаргалантай Дашанима (Үлзытэ) үдэр абишиг (Ваан) хайрлахада, һайтар байгуулхада (рамнай үргэхэдэ) һайн.
Амгалан тайбанай, таряа талханай хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн. Гэр байра хушахада, пеэшэн табихада болон арьбажуулгын хэрэгүүдтэ һайн үдэр.
«Хүбүүнэй» үүдэн нээгдэнэ: хүүгэдэй хэрэгүүдые бүтээхэгүй, түрэһэн үдэрыень тэмдэглэхэгүй, гэрһээ холо ябуулхагүй. Худаг малтахагүй.
Энэ үдэр харгыда гарахада, урда зүг руу муу, бэшэ зүгүүд руу һайн.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр; хулгана, гахай жэлтэндэ урагшагүй үдэр - һэргэг байха.
Үһэеэ абхуулхада – баялигта.
Октябриин 6, гарагай 1, буряад-монгол литээр шэнын 4.
Амгалан тайбанай, эдеэ унданай, баялигай, адуу малай хэшэг даллага абахада һайн. Бэри буулгахада, аралжаа наймаа ябуулхада, модоор ура дарха хэхэдэ һайн үдэр.
«Сэрэгэй» үүдэн нээгдэнэ: сэрэг хүдэлгэхэгүй, заргалдахагүй.
Энэ үдэр харгыда гарахада, баруун зүг руу муу, бэшэ тээшэ һайн. Луу жэлтэнэй урагшатай һайн гараг.
Үһэеэ абхуулхада – зүһэ шарай һайжарха.
Жаргал лама ДУГДАНОВ бэлдэбэ
