​Гадаада руу ехээр наймаалдаг болое!

Буряадта ажалаа ябуулдаг бага болон дунда түхэлэй олзын хэрэг эрхилэлгын дүшѳѳд мянган предприятиин оройдоол зуун зургааниинь гадаада руу үйлэдбэриео наймална гээд уластай экономикын экономикын яаман ТАСС агенствэдэ дуулгаhан байна. Сайдынь Зандра Сангадиев лаблахадаа, Буряадта бүтѳѳгдэдэг продукцинуудые хариин газарнуудаар дэлгэрүүлхэ ажалые улам эршэмдүүлхэ хэрэгтэй гээд тэмдэглээ. Буряадай бага олзын хэрэг эрхилэлгын эмхинүүд жэлдээ дүшэ найма миллион долларай гадаадын наймаа эрхилдэг гээд сэгнэгдэнэ. Гол түлэб ой модоной зүйлнүүд хари гүрэнүүд руу абаашагдана. Гэхэтэй хамта, үнгэрэгшэ жэлэй дүнгѳѳр, Буряадай гадаадын худалдаа наймаан нэгэ миллиард зургаан зуу миллион түхэригтэ хүргэгдѳѳ, hүүлэй 5 жэлэй туршада жэл бүри энэ хэмжээн 22 процентээр дээшэлнэ гэжэ тэмдэглэлэлтэй. «Бидэ 52 гүрэнтэй худалдаа наймаа эрхилхэ хэлсээтэйнүүдтэйбди гээд сайд дуулгаа. Хүршэ Монгол Хитадтаяа илангаяа нягта харилсанабди, авиационно техникэ, запас хэрэгсэлнүүдые, шулуу нүүрhэ, ой модоной продукци, саарhа целлюлозо, вольфрамай холисо болон эдеэ хоол хари руу худалданабди гээд Зандра Сангадиев мэдээсээ. Гэхэтэй хамта, Россин экспортна түб Буряадта гадаада руу наймаяа худалдаха талаар али болохо дэмжэлтэ үзүүлхэ. Энээн тухай Сочидо үнгэргэгдэhэн уласхоорондын инвестиционно форумдо хэлсэгдээ юм байна.