​Эдир шатаршад мүрысэбэ

Юһэ наһа гүйсөөдүй эдир 135 шатар­шад Буряадай гүрэнэй универси­тедэй байшан соо Улаан-Үдэ хотын нээмэл чемпионад­та гурбан үдэрэй туршада мүрысэбэ. 99 хүбүүд сооһоо һүүлшын наадан болотор Рома Битуев (дээрэхи гэрэл зураг дээрэ) нэгэшье очко алдаагүй ябаа. 9-дэхи тур­та тэрэ Баир Бабариновта шүүгдэшөө.

Тиигэбэшье Рома Битуев түрүү һуурида гараа. Рома ха­даа Тарбагатай аймагай Доодо Саянтада Африкан Андрее­вэй ударидалга доро һорилго хэдэг юм. Мэдээжэ шатар­шан Инна Ивахиновагай шаби Баир Бабаринов хоёрдохи һуурида гараа. Эхэнэрнүүдэй дунда уласхоорондын гросс­мейстерэй үшөө нэгэ шаби Найдан Цыремпилов гурбада­хи һуури эзэлээ.

Басагадай мүрысөөндэ 36 хүн хабаадаһан байна. Аба­жа боломоор 9 очко­гой наймыень абаһан Ирина Тумурова алтан медаль абаба. Эдир чемпионкые мэдээжэ һоригшо Татьяна Ага­фонова бэлдээ. Вика Будаева хоёрдохи һуури эзэлээ. Тэрэ баһа Инна Ивахиновагай шаби юм.

Гурбадахи һуурида Эрхүү можын Валерия Горбачёва гараа.

Энэ мүрысөөндэ шалгарһан 7-8 наһатайшуулда мүн лэ шангууд барюулагдаа. Эндэ Платон Митропольский, Ма­рия Тыхеева гэгшэд түрүүлһэн байна.

Энэ мүрысөөндэ шалгарһан хүбүүд, басагад Ородой чемпионадта ошохо аргатай.

Авторай гэрэл зураг

Ирина Тумурова