Крымэй Алушта хотодо Ород гүрэнэй һур харбаанай тэмсээндэ Дарима Цырендондопова буряад үндэһэн тэрлигээ, юудэн малгайгаа үмдэжэ харбаба.
Мүнөөнэй маягтайгаар оюулһан шэнэ загбарай буряад хубсаһаниинь тамирша зоной нюдэ хужарлуулба гэжэ Интернет соо суу тараа. Тиихэдэ Дарима тэмсээнэй нээлтын, хаалтын баяр ёһололдо буряад дуугаа дуулажа шэмэглэбэ.
Дарима Цырендондопова дуу дууладаг, буряад һурша ном харбадаг гэжэ мэдээжэ юм. Харин мүнөө һур харбаанай мэргэжэлэй сагаалсада үндэр дүн харуулжа, Ородой Холбооной Уласай спортын мастерай нэрэ зэргэдэ хүртэхэ болобо.
Һур харбаанай дангина Дарима Цырендондопова