809
Буряад Уласта майн 19-дэ “Единый день ГТО” гэһэн уласай акци үнгэргэгдэхэ. Энэ хэмжээ ябуулгада юһэтэй болоһон үхибүүд болон тэдэнһээ аха зон хабаадаха аргатай.
Һурагшад болон оюутад болбосоролой байшангуудай тамирай талмайнуудта ГТО тушааха. Улаан-Үдын ажаһуугшад Түбэй стадион болон “Юбилейный” болон Орешковэй, Жанаевай нэрэмжэтэ паркнуудта үглөөнэй 10 сагһаа үдэшын 18.00 болотор хаба шадалаа туршаха болоно. Удаань, норматив тушааһан хүнүүд ГТО-гой алтан, мүнгэн болон хүрэл тэмдэгүүдые абаха юм гэжэ Буряад Уласай спортын болон залуушуулай бодолгын талаар яаманда мэдээсэнэ.
Хүдөө аймагуудта ажаһуугшад һургуулинуудай болон нютагай засагай байгууламжануудай тамирай байшануудта ГТО тушааха болоно. Энэ хэмжээ ябуулгада хабаадаха гэбэл, www.gto.ru сайтда орожо, тэмдэглэгдэхэ шухала.
