863
Мүнөөдэр, июлиин 21-дэ, Буряад Уласта «Территория бизнеса - территория жизни» гэһэн Бүхэроссиин хуралдаан эхилбэ.
Энэ хэмжээ ябуулгын үедэ мастер-классууд, үзэсхэлэнгүүд, сессинүүд үнгэргэдэхэ юм. Тиихэдэ «ОПОРЫ РОССИИ» гэһэн эмхи зургаанай хүтэлбэрилэгшэ Александр Калинин болон мэргэжэлтэ шүүбэришэд олзын хэрэг эрхилэгшэдэй асуудалнуудта харюусаха юм. Энэ хуралдаанай онлайн-трансляцинууд хэгдэнэ.
«Ажаһуугшадые хүлеэн абалга» гэһэн талмайда Ородой Холбоото Улас болон нютаг можонуудта бага болон дунда олзынхэрэг эрхилэлгын хүгжэлтын талаар зүбшэн хэлсэхэ. Онлайн-касссануудые хэрэглэжэ эхилхэдэ, бага олзын хэрэг эрхилэгшэдтэ ямар хойшолонгуудтайб, элетронно аргаар дансануудые хэрэглэхэ, бага урьһаламжануудые үгэжэ, бага олзын хэрэг эрхилэгшэдые дэмжэхэ гэхэ мэтэ асуудалнуудта Александр Калинин болон мэргэжэлтэ шүүбэришэд харюусаха.
Удаадахи талмайда Ородой Холбоото Уласай нютаг можонуудта ниигэмэй-эдэй засагай һалбарида амжалтатайгаар бэелүүлэгдэһэн түсэлнүүд тухай нютагай засагай байгууламжануудта мастер-классууд эмхидхэгдэнэ.
Тиихэдэ мүнөөдэр «Бизнес-Успех» гэһэн Үндэһэтэнэй шангай уласай шатын дүнгүүд согсологдохо. Мэргэжэлтэ шүүгшэд мэргэн, шуран олзын хэрэг эрхилэгшэдые элирүүлжэ, тэдэнэр түгэсхэлэй шатада гол шангай түлөө мүрысэхэ арга боломжодо хүртэхэ. «Сергей Выходцевэй нэрэмжэтэ номинаци» гү, али ондоогоор «Залуушуулай эрхим түсэл», «Эрхим интернет-түсэл», «Эрхим үйлэдбэриин түсэл» болон «Арадай олзын хэрэг эрхилэгшэ» гэһэн номинацинуудта эрхим олзын хэрэг эрхилэгшэд элирүүлэгдэхэ.
РТС-тендер гэһэн Ородой ХолбоотоУласай «Бизнес-Успех» шангай холбоо нүхэр, электронно талмайн хүтэлэгшэ эмхи «Я – поставщик 2017» гэһэн болбосоролой экспресс-курс эмхидхэхэ. Тэрэнэй дүнгүүдээр энэ хэмжээ ябуулгада хабадагшадта үнэмшэлгэнүүд барюулагдаха.
Хуралдаанай үедэ «Хари гүрэнүүдэй дэлгүүртэ эд бараа дэлгээхэ талаар табан алхамууд» гэһэн дүхэриг шэрээнүүд эмхидхэгдэхэ. Олзын хэрэг эрхилдэг эхэнэрнүүд «Эхэнэрнүүдэй олзын хэрэг эрхилэлгэ – эдэй засагай хүгжэлтын арга боломжонууд» гэһэн дискуссидэ хабаадаха.
«Снежный барс» компьютерна дэлгүүр байгуулагша, генеральна захирал Виталий Раднаев «Как стать лидером: история успехов и неудач» гэһэн мастер-классүнгэргэхэ.
Нютаг можонуудта олзын хэрэг эрхилэлгын холын хараата түсэбүүд тухай «Территория бизнеса – территория жизни» гэһэн хуралдаанай үедэ хабаадагшад һанамжаараа хубаалдаха.
Ородой Холбоото Уласта «Бизнес-Успех» гэһэн шан долоодохи жэлээ эмхидхэгдэнэ. «ОПОРЫ РОССИИ» эмхиин хүтэлбэрилэгшэ Александр Калининай хэлэһэнэй ёһоор: «Хүнүүдтэ олзын хэрэг эрхилэлгэдэ туһалнабди. «Бизнес-Успех» шанда хүртэгшэд гансашье Ород гүрэн дотор бэшэ , харин бүхы дэлхэйдэ мэдээжэ болоно. Тиимээһээ Ородой Холбоото Улас дотор эдэй засагай һалбарида хубилалтанууд болоно».
