812
Байгалай можо хүгжөөхэдөө, мүнгэ һомололгын, байгаали хамгаалгын түсэлнүүдые нэгэдүүлхэ хэрэгтэй гэжэ Ородой Холбоото Уласай Юрэнхылэгшын Сибириин федеральна тойрогой Бүрин эрхэтэ түлөөлэгшэ Сергей Меняйло хэлэбэ.
“Байгал Бүхэдэлхэйн байгаалиин баялиг: хорин жэл үнгэрһэнэй удаа” гэһэн Уласхоорондын хуралдаанай хабаадагшадта баяраа мэдүүлхэдээ, Ородой Холбоото Уласай Юрэнхылэгшэ Владимир Путин Федеральна Суглаанда хандахадаа, XXI-дэхи зуун жэлэй гүрэн түрын хүгжэлтэ Сибириин болон Алас Дурна зүг хүгжөөхэ тухай хэлэһэн байна гэжэ Сергей Меняйло һануулба.
“Владимир Путинай Федеральна Суглаанда жэл бүриин хандалгада, анха түрүүшынхиеэ Сибирь болон Алас Дурна зүг тодорхойлон нэрлэгдэһэн байна. Тиимээһээ энэ асуудалаар шиидхэхэдээ, эрдэм болбосоролой болон байгаалида хохидол үзүүлхэгүй түрүү технологи хэрэглэхэ шухала. Байгал далай – Ородой Холбоото Уласай зэндэмэни, тэрэниие аршалхаһаа гадуур хүгжөөхэ хэрэгтэй. Байгалай газар дайдада оршон тойронхи байгаалиин баялигай ашаар тогтонижонги хүгжэлтэ бэелүүлхээр, тиихэдээ мүнгэ һомололгын, байгаали хамгаалгын түсэлнүүдые нэгэдүүлхэ хэрэгтэй”, - гэжэ Бүрин эрхэтэ түлөөлэгшэ тэмдэглэбэ.
Буряад Уласай, Эрхүү можын, Үбэр Байгалай хизаарай засаг зургаан ажахынуудые эрхилхэдээ, байгаали хамгалгада анхаралаа хандуулна. Тиигэбэшье оршон байдалда байгаали хамгаалха талаар нэмэлтэ шиидхэбэринүүд абтаха ёһотой. Энээнһээ уламжалан, нютаг можонуудай ниигэмэй-эдэй засагай һалбариин хүгжэлтын программада байгаалиин онсо харууһатай газарнуудые оруулха шухала. Тиихэдээ байгаали зүбөөр хэрэглэжэ һураха, байгаали хамгаалгын һалбарида гүрэнэй болон хубиин ажал эрхилэлгэ хүгжөөхэ, хубиин мүнгэ һомолхо, энэ һалбарииин хүдэлмэрилэгшэдэй мэргэжэл дээшэлүүлхэ болоно гэжэ Ородой Холбоото Уласай Юрэнхылэгшын Сибириин федеральна тойрогой Бүрин эрхэтэ түлөөлэгшэ Сергей Меняйло хэлэбэ.
kremlin.ru сайтһаа гэрэл зураг абтаба.
