864
Эсэгэ ороноо хамгаалгын Агууехэ дайнай дүүрэһэн үдэртэ дашарамдуулан, сентябриин хоёрто “Доверие” гэһэн соёлой түбтэ 1945 ондо түрэһэн болон тэдэнэрһээ аха зон ород даам наадалгаар мүрысэбэ.
Дайнай болон тэрэнэй һүүлээрхи шэрүүн жэлнүүдтэ бага балшар наһаяа үнгэргэһэн, мүнөө Улаан-Үдэдэ ажаһуудаг 26 үбгэд, хүгшэд энэ хэмжээ ябуулгада хабаадаба.
Улаан-Үдэ хотын Ветерануудай эблэл болон Буряад Уласай даам нааданай федераци мүрысөө үнгэргэһэн байна. Эрэшүүлэй дунда Виктор Шагдыров болон мастерта кандидадууд Александр Мельников,Владимир Талханов шалгарба. Эхэнэрнүүдэй дунда Ага Танхаева Энгельсина Матвеева хоёр түрүлбэ. Тусхай шанда эгээл үндэр наһатай Матвей Орбодоев хүртэбэ.
Мүрөөсэндэ илагшад баярай бэшэг, медаль болон мүнгэн шангуудаар шагнагдаба. Мүрысөөнэй гол шүүгшэ Владимир Талханов болоһон байна.
