​Буряад барилдаашад Красноярск хотодо уласхоорондын мүрысөөндэ алтан, хүрэл медальнуудта хүртэбэ

Олимпиин наадануудай гурба удаа чемпион Бувайсар Сайтиевай шанда хүртэхэ 13-дахи турнир Красноярск хотодо октябриин 28-29-нэй үдэрнүүдтэ үнгэргэгдэбэ.

Ородой Холбоото Уласай можо нютагуудай, Азербайджан, Казахстан, болон Киргизиин 16 наһа хүрэтэр 200-гаад тамиршад энэ мүрысөөндэ хабаадаһан байна.

46 кг хүрэтэр шэгнүүртэ Буряад уласай олон шэглэлэй колледжын оюутан Жаргал Баяндуев хүрэл медальда хүртэбэ. Энэл шэгнүүртэ хабаадаһан Буряадай тамиршан Энхэ-Булат Доржиев дүрбэдэхи һуури эзэлээ. 69 кг хүрэтэр шэгнүүртэ Буряадай барилдаашан Түмэн Бодиев алтан медальда хүртэбэ.

- Түгэсхэлэй шатада Түмэн Красноярскын түлөөлэгшэдэ 6:2 гээд шүүгдэжэ байһанаа, добтолон орожо, дүрбэн балл абаа. Тэрэнэй түлөө Түмэн Бодиев алтан медальда хүртэһэн байна, - гэжэ Уласай олимпиин халаан бэлдэхэ тамирай һургуулиин һоригшо Баясхалан Гомбов хэлэбэ.