​Буряадай футболист дэлхэйн чемпионадта хабаадаха

Июниин 14-дэ үни хүлеэгдэһэн дэл­хэйн чемпионат эхиеэ абахань. Энэ хэмжээ ябуулга Ород гүрэнэй 11 хотодо үнгэрхэ гэжэ һануулая.

Һаяхана талмайн эзэд болохо Ородой суглуулагдамал командын бүридэлдэ хэн орооб гэжэ мэдэгдэбэ. Ахамад һоригшо Станислав Черчесов Буряадһаа уг гарбалтай Владимир Гранатые бүридэлдэ оруулаа.

Владимир Гранат хадаа мүнөө үедэ Казань хотын “Рубин” гэһэн командада наадана. Эрхүүгэй “Звезда”, Москвагай “Динамо” болон “Спартак”, Новосибирскын “Сибирь” болон “Ростов” гэһэн командануудта наадаһан нам­тартай. 31 наһатай тамиршан Ородой коман­дын түлөө 9 наада үнгэргөө.

"Рубин" командын гэрэл зураг

Ородой суглуулагдамал командын бүридэлдэ 23 наадагша оруулагдаа. Булты­ень нэрлэе.

Бартаа хамгаалагшад: Игорь Акинфеев (ЦСКА), Владимир Габулов («Брюгге», Бель­ги), Андрей Лунев («Зенит»).

Хамгаалагшад: Владимир Гранат («Ру­бин»), Сергей Игнашевич (ЦСКА), Фёдор Кудряшов («Рубин»), Илья Кутепов («Спартак»), Андрей Семёнов («Ахмат»), Игорь Смольни­ков («Зенит»), Марио Фернандес (ЦСКА).

Добтолон хамгаалагшад: Юрий Газинский («Краснодар»), Александр Головин, Алан Дза­гоев (хоюулаа — ЦСКА), Александр Ерохин, Юрий Жирков, Далер Кузяев (булта — «Зе­нит»), Роман Зобнин, Александр Самедов (хоюулаа — «Спартак»), Антон Миранчук («Локомотив»), Денис Черышев («Вильяр- реал», Испани).

Добтологшод: Артём Дзюба («Арсенал», Тула), Алексей Миранчук («Локомотив»), Фё­дор Смолов («Краснодар»).

Ородой футболистнууд “А” бүлгэмдэ наада­ха. Июниин 14-дэ тэдэ Саудовска Аравиин ко­мандатай түрүүшынгээ наада Москва хотодо үнгэргэхэ. Июниин 19-дэ Санкт-Петербургда Египедэй командатай уулзаха. Июниин 25-да Самара хотодо Уругвайн футболистнуудтай наадаха юм.