​​Хаһаа амжалтатайгаар түгэсэбэ

Эрэмдэг бэетэйшүүл зунайнгаа хаһа амжалтатайгаар түгэсэбэ. Буряадай тамиршад Ород гүрэнэй Ку­богта хүртэхын түлөө һур харбалгаар мүрысөөндэ һайн дүнгүүдые харуулба.

Энэ мүрысөөн Ородой суглуулагдамал командын бүридэлдэ орохо тамиршадые элирүүлбэ. 2019 ондо тэдэ хэдэн уласхоорондын мүрысөөндэ хабаадажа, 2020 ондо үнгэргэгдэхэ Паралимпиин наадануудта шэлэн абалгын тулалдаануудта оролсохо юм.

Хаһын һүүлшын мүрысөөндэ Буряадые дүрбэн тамиршад түлөөлбэ. Хубиин тоосоондо Баир Шигаев нэгэдэхи һуурида гараа. Шангай хоёрдохи һуури Татьяна Андриевская эзэлээ. Тиихэдэ Чингис Бальжиев хүрэл медаль абаһан байна.

Командна микст тоосоондо Баир Шигаев болон Татьяна Андриевская гэгшэд алтан медальда хүртэһэн байна.

Энэ мүрысөөнэй үедэ команданууд үсөөн байгаа. Тиимэһээ нэгэ командын бүридэлдэ ондо ондоо можо, хиза­арнуудай тамиршад нэгэдээд харбаба. Тиигэжэ Баир Шигаев Московско можын түлөө хабаадажа, гурбадахи һуурида га­раа. Пётр Марзаев Дагестанай хоёр эхэнэрнүүдээр баһа шан­гай гурбадахи һуури эзэлээ. Тус мүрысөөндэ Пётр спортын мастерта кандидат боложо шадаа.

Спортын адаптивна һургуулиин зураг