899
Декабриин 2-һоо 8 болотор Москвада гурбадахияа «Алас Дурнын яармаг» үнгэргэгдэхэ. Һүүлэй хоёр жэл үбэлэй сагта эмхидхэгдэжэ байһан хэмжээ ябуулгада Буряад Уласай түлөөлэгшэд хабаадалсаха.
Мүнөө дээрээ Засагай газарта уласай үзэсхэлэн бүрилдүүлхэ талаар ажал ябуулагдана. Шэнэ Арбаадта яармагай үдэрнүүдтэ энэ хэмжээ ябуулгада 70 000 шахуу ажаһуугшад ба гүрэнэй ниислэлэй айлшад ерэхээр хүлеэгдэнэ.
Гудамжадан хэдэн тайзанууд байгуулагдажа, бүхэли үдэрэй туршада бүхы Алас Дурнын тойрогой ажаһуугшад угсаатанай ба мүнөө сагай хүгжэмэй ба хатарай бүлгэмүүд наада табижа байха юм. Анимационно павильонуудта үдэр бүри мастер-классуудэмхидхэгдэхэ, тэндэ нютаг можын заншалта олзоборилго ба үндэһэн арадуудай зохёохы ажалтай танилсаха арга олгогдохо. Тиихэдэ Алас Дурнын соёлдо, хүгжэлтэдэ, түүхэдэ ба энэ үдэртэ зорюулагдаһан интерактивна лекцинүүд, Алас Дурнын нютаг можын үрэ бүтээлэй танилсуулганууд энэ хэмжээ ябуулгын хүтэлбэридэ ороно.
Урда жэлнүүдтэ ороходоо, худалдаанда дэлгэглэһэн эдэ бараан үшөө баян ба үнгэтэ болохоор хараалагдана. Яармагта ерэгшэд Москвагай дэлгүүрнүүдтэ олдохогүй эдеэ хоол, загаһа, ой хүбшын алирһа жэмэстэй сай (20 гаран нэрэ), сувенир ба арадай хоморой зүйлнүүдые худалдан абаха аргатай байха.
Шэнэ Арабаадай бүхы гудамжаар Алас Дурнаһаа асарһан мүнөөнэй арт-объектнүүдые яармаг айлшадта харуулха, “Алас Дурнын тайга” гэһэн интерактивна газар олоной һонирхол татаха. Москвагай түбтэ Алас Дурнын байгаалиин нэгэ хэсэг зохёон байгуулха талаар нарһан, хуша, хүбхэн “таригдаха”, байгаалиин шулуунууд асарагдаха.
Ородой Холбоото Уласта XXI зуун жэлдэ Алас Дурна зүг түрүүлэн хүгжөөхэ зорилготой.
Анна Огороднигой гэрэл зураг
