537
© фото: Анна ОГОРОДНИК
Байгша оной апрелиин 27-28-ай үдэрнүүдтэ үдэшын 18.30 сагта мүнөө үеын соёл уралигай “Залуу”түбтэ «Натурный вторник» гэһэн мастер-класс Зорикто Доржиев үнгэргэхэ.
Тус хэмжээ ябуулгын модель Буряадай оперо болон баледэй хатаршан, Буряад Уласай габьяата артистка Анна Петушиновай болохо юм. Хэмжээ ябуулгада хабаадаха дуратайшуул, уран зурагай тусхай хэрэгсэлнүүдые абаад ерэхэ болоно.
Мастер-класста хабаадаха гэбэл, zaluu.ru сайтда бүридхэлдэ орохо шухала. Нэгэ үдэрэй түлбэри – 200 түхэриг.
Тодорхой мэдээсэл эндэ абахаар.
Баримта
Зорикто Доржиевай уран бүтээлнүд США, Гонконг, Тайвань, Сингапур, Япониин түрүү арт-талмайнуудта дэлгэгдэжэ байдаг. 2019 ондо уран зураашан Венецианская биеннале гэһэн хэмжээ ябуулгада хабаадалсаһан юм. Зорикто Доржиев уран зурагуудые, графическа зураг, видеоарт, скульптура, костюмуудые бүтээдэг. «Монгол» гэһэн фильмдэ костюмуудые бэлдэлсээ. «Небесные жёны луговых мари» (режиссёр А. С. Федорченко), «Дом Солнца» (режиссёр Гарик Сукачёв) фильмүүдтэ хабаадалсаа. Номуудыешье, тэрэ тоодо Исай Калашниковай «Жестокий век», шэмэглэһэн юм.Фото: Анна ОГОРОДНИК
