- Халдабарита үбшэнэй тараһан сагта иимэ һуралсал үнгэрһэнэй хэрэгтэй гү? Хүбүүнэйнгээ тиишээ ошоходонь яһала мүнгэн гаргашалагдаа, -гэжэ гомдожо хүбүүнэй эжынь Интернедтэ бэшэнэ. - Хүбүүгээ эльгээхэһээ түрүүн ПЦР шалгалта тушаа һэмди, һайн гэжэ харуулһан юм. Улаан-Үдэ хүрэтэр хүйтэн автобусоор ябахадаа ехээр даараа ха даа, - гэжэ үшөө нэгэ хүбүүнэй эжы бэшэнэ.
Хүүгэд Улаан-Үдэдэ «Авангард» гэһэн һуралсалай түбтэ ерэжэ сэрэгэй эхин мэдэсэтэй танилсаһан байна.
- Тэдэнэр харгыда ябахадаа, һуралсал гарахадаашье мүн хотын музейнүүдээр ябахадаа һэргылэмжын бүхы эрилтэнүүдые сахижа ябаа. Үглөө үдэшэниинь тэдэнэй бэеын халуу хэмжэгдэдэг, газаа ябахаднь булта дулаан хубсаһатай гү, али үгы гэжэ шалгагдадаг һэн, - гэжэ Мухар-Шэбэрэй аймагай һуралсалай хүтэлбэриин мэргэжэлтэд дуулгана.
Сугларһан 20 хүүгэдэй дундаһаа 3 хүбүүн халдабарита үбшэндэ хүртэһэн байна гэжэ Роспотреб хиналтын мэргэжэлтэд батална.