Хүхэ булаг тэһэрбэ

Толто һууринда халуун аршаанай хүхэ булаг тэһэржэ, ажаһуугшадай хорёо хото соогуур уһан урдашаба. Школьная гудамжаар байһан арбаад гэр уһа мүльһэндэ абтахаар аюултай байдалда оробо. Уһа зайлуулхын тула нютагай хүнүүд мүльһэ хюрөөдэжэ, иишэ тиишэнь һубаг ханааба гаргана. Тэрэ ажал бүхэли үдэр хэгдэнэ. Шорой зөөгдэжэ, даамба далан баригдана. Үбэлэй сагта булагай тэһэрхэ байгаалиин үзэгдэл 50 жэлэй саана болоһыень нютагай зон һанана. Толто һууринай газар доро халуун аршаанай ехэ нөөсэ байдаг юм байна. «Аршаан» курортын халуун аршаанһаа бүри ехэ нөөсэтэй юм гэжэ геологууд элирүүлһэн.