Буряадай мануул миисгэйнууд шэнэ газарта хэр түбхинөөб

Нюдэеэ нээгээгүй миисгэйнүүдые  олоhон айл бүлэ тэдэниие hүөөр, үхибүүдэй ундаар хооллуулжа тэжээгээ hэн. Тиигээд Улаан-Үдын Дээдэ Онгостойдо оршодог этнографическа музейдэ амитадаа дамжуулаа һэн. Харин hүүлээрнь тэдэ Москва хотын зоопарк абаашагдаа. Улаан ном соо ороhон амитадые ажамидаруулха бүхы арга боломжо тэндэл байна ха. Гомдолтойнь гэхэдэ, нэгэ миисгэйнь үхэшөө, тиимэhээ Алиса болон Брунгильда гэжэ нэрлэгдэһэн нүгөө  хоёрынь мүнөө Москвагай амитадай хүреэлэндэ байрлана. Яагаад аб адлихан хоёрые илгаруулхаб гэжэ мэргэжэлтэд хөөрэбэ. Нэгэниинь соходоо толботой, hүүлээ мушхаруулдаг, багжагар шэхэтэй ха. Харин миисгэйнүүдэй абари зангынь тад ондоо, Алисань номгон, түни түбшэн, даруу зантай, дээгүүр аhалдажа, хүнүүдые анхаран хараха дуратай ха, харин Брунгильдань түргэн зантай. Хүнэй дүтэлхэдэ, сухалаа гаргажа, аhалдажашье болохо. Алисын хамар хоншоорынь hахал hамбай мэтэ зурагтай, Брунгильдань харабтар үнгэтэй, нарин шарайтай гэжэ зоопаркда хүдэлмэрилдэг зон хөөрэжэ үгэбэ. Хэдышье аалин намдуу байбал, мануул миисгэй хэзээдэшье зэрлигээ харуулха аргатай гэжэ тэдэ тэмдэглэнэ. Иимэ хуби заяатай мануул мисгэйнүүд байбал даа, тиин яагаад ажамидарнаб гэжэ бидэ ходо анхарха аргатай байхабди.