​Газар абагшад гарзатанагүй

Тиигэжэ Турунтаево тосхондо аха дүү Андреевскийнүүд өөр өөр дээрээ  – Алас Дурнын нэжээд гектар, үшөө хоёрые гэр бүлэнүүдэйнгээ гэшүүдтэ бүридхэжэ абаа. Энэ ехэ газартаа мэргэн буудалгаар бэеэ һорихо бодото буудалгын газар - полигон байгуулаа, буудаха дуратай ямаршье хүн эндэ ерэхэ аргатай.

- Урид ээлжээндэ бэшүүлһээрнь үдэр бүхэндэ ажалланабди. Тиигэбэшье, нэгэл эрилтэ табидагбди: эдэ хүнүүд хуулиин ёһоор баталагдаһан буу зэбсэгтэй болон һомо даритай байха ёһотой. Энэ болбол долоон граммһаа 28 грамм хүрэтэр багахан дробь һомонуудтай тамирай буу байха юм, - гэжэ «Ангуушан» гэһэн тамирай-ангуушадай клубай заабаришан Павел Андреевский хөөрөө. 

Үшөө нэгэ жэшээ - Вадим Нимаев наһанайнгаа хани нүхэртэй Хориин аймагай Хүлын Үртөө нютагта газар абаад, 83 дүрбэлжэн метртэй гэр газобетоноор баряад, огород таряа, тиигээд малай дал дамхуу барилсаа. Оноото газараа үшөө хүсэд дүүрэн эдлээгүй, тэндээ энэ айл сэсэрлиг байгуулха бодолтой: вишниин, үхэр нюдэнэй, улааганын һөөгүүдые һуулгаа, үшөө забаан зэдэгэнэ һуулгахаар түсэблэнэ.

Энэ түлэбэй эхилһээр (2019 он), Буряадай эд зөөриин яаманда энэ түлэбөөр газар абахаяа һанаһан 7166 эрхэтэдһээ мэдүүлгэнүүд ороо, бүхыдөө 3263 га болохо талмайтай 2666 Алас Дурнын гектар үгтөө, тэрэ тоодо байрын гэр барихаар - 378 гектар, 239 га газар – хубиин ажахы эрхилхые.