538
Урдань манай гүрэндэ дасангуудые барихадаа, зарим юумыень Түбэдһөө, Монголһоо, Хитадһаа асардаг заншалтай байһан. Нютагай дархашуул энэ-тэрэ юумэ урладаг, мүн һүзэгшэд гэрһээшье зарим зүйлнүүдые абажа ерэдэг бэлэй. Минии аба дасан дугангуудые шэмэглэдэг, бурханай хүрэгүүдые бүтээдэг байһан. Бага байхадаа, абатаяа хамта зарим зүйлнүүдэй шэмэглэл хэлсэдэг һэм. «Энэшни ехэл буянтай ажал гээшэ», - гэжэ абамни заадаг байгаа, - гээд, Даши Намдаков түбэй телевидениин сурбалжалагшадта хөөрөө.
Тувагай шэнэ дасан, өөһэдынь нэрлэдэгээр - «хүрээ», баригдажа дүүрэнтээ. Мүнөө газаахи, досоохи шэмэглэлынь хэгдэжэ байна.
Тувагай шэнэ хүрээдэ адли дасан дэлхэй дээрэ хаанашье үгы юм ха. 56 метр үндэртэй байшанай хананууд үргэнөөрөө 170 сантиметр байхаһаа гадна, ташалантуулжа бодхоогдоһон юм.
Фото: Сохраним Тибет
