Түрэлхи хэлэ ба уран зохёолой түрүү багшанар мүрысэнэ

Байгша ондо Оросой гэгээрэлэй яаман түрүүшынхиеэ «Түрэлхи хэлэ ба уран зохёолой эрхим багша» гэһэн бүхэроссиин мэргэжэлтэ урилдаа үнгэргэнэ. Тус конкурс түрэлхи хэлэ ба уран зохёол заадаг эрхим багшанарай түрүү дүршэл шадабари элирүүлэн, улам дэлгэрүүлхэ, мүн багшанарые урмашуулан дэмжэхэ зорилготой.

Тус конкурсын жюриин гэшүүнээр Буряад хэлэ хүгжөөлгын улас түрын түбэй хүтэлбэрилэгшэ Оюна Забанова (зураг дээрэ) уригдажа, дүнгүүдые согсололсоно.

Мүн Оросой бүхы можо нютагуудые түлөөлэн хабаадалсажа байһан 69 багшанарай тоодо Ахын аймагай Өөрлигэй дунда һургуулида буряад хэлэ заадаг Арюна Иванова хаба шадалаа туршалсажа байна.