Буряад-монгол зурхай июлиин 22-һоо 28 болотор

Июлиин 22, гарагай 2, буряад-монгол литээр 16

Нүхэсэхэдэ, худалдаа наймаа болон аралжаа наймаа ябуулхада, газар һэндэхэдэ һайн. Хэлэ ама татахагүй, заргалдахагүй, аянда мордохогүй.

Амгалан тайбанай, баялигай: малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ һайн үдэр.

“Хэрэмэй” үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.

Энэ үдэр харгыда гарахада муу, илангаяа баруун зүг руу.

Нохой жэлтэндэ һанаһанаа бүтээхэдэ урагшатай, хо­нин жэлтэнэй буянай гараг.

Үһэеэ абхуулхада – үбшэндэ, амилхада хүндэ болохо.

Июлиин 23, гарагай 3, буряад-монгол литээр 17

Аянда мордоходо, аралжаа наймаа ябуулхада һайн. Бэри буулгахагүй.

Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиид­хэхэдэ һайн үдэр.

“Бэриин” үүдэн нээгдэнэ: бэриин хэрэгүүдые бүтээхэгүй.

Энэ үдэр харгыда гарахада, баруун зүг руу муу, бэшэ зүг руу һайн.

Морин, могой жэлтэнэй урагшатай үдэр; хулгана, га­хай жэлтэнэй буян үйлэдэхэ гараг. Тахяа, бишэн жэлтэн­дэ муу үдэр, һэргэг ябаха хэрэгтэй.

Үһэеэ абхуулхада – зүһэ шарай доройтохо, нюдэн бүрэлзэхэ.

Июлиин 24, гарагай 4, буряад-монгол литээр 18

Айраг тараг бүрихэдэ һайн. Аянда мордохогүй, хүүр залахагүй.

Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэ­хэдэ һайн.

“Үхээриин” үүдэн нээгдэнэ: наһа барагшые хүдөөлхэгүй.

Энэ үдэр харгыда гарахада муу, илангаяа зүүн зүг руу.

Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.

Үһэеэ абхуулхада – зүһэ шарай һайжарха.

Июлиин 25, гарагай 5, буряад-монгол литээр 19

Аянда гарахада һайн. Бэри буулгахагүй, хүүр залахагүй, адуу мал худалдахагүй.

Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэ­хэдэ һайн.

“Үхэлэй” үүдэн нээгдэнэ: наһа барагшын хэрэг бүтээхэгүй.

Энэ үдэр харгыда гарахада, зүүн зүг руу муу, бэшэ тээшэ һайн.

Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.

Үһэеэ абхуулхада – Бурхан багшын һургаал дэлгэрхэ, һайн нүхэртэй нүхэсэхэ.

Июлиин 26, гарагай 6, буряад-монгол литээр 20.

Арьбажуулгын бүхы хэрэгүүдтэ һайн. Замда гарахые тэбшэхэ.

Амгалан тайбанай, хониной хэшэг даллага абахада һайн.

“Ниитын” үүдэн нээгдэнэ: суглаа зарлахагүй, шухала уулзалга эмхидхэхэгүй.

Энэ үдэр «морин үхэхэ, эмээл хухарха» ушарһаа хар­гыда гарахада муу, илангаяа зүүн зүг руу.

Хонин, тахяа, бишэн жэлтэнэй урагшатай һайн үдэр; морин, бишэн жэлтэнэй буянай үдэр. Бар, туулай жэлтэ­нэй чисаа гараг – һэргэг ябаха хэрэгтэй.

Үһэеэ абхуулхада – ангалга үлэсхэлэндэ.

Июлиин 27, гарагай 7, буряад-монгол литээр 22 (21 забһарлаба)

Эрдэм номдо, зурхайда, урлалай хэрэгүүдтэ һурахада һайн. Замда гарахагүй.

Амгалан тайбанай, таряа талханай хэшэг даллага аба­хада һайн. Бар, морин, нохой жэлтэй хүнүүдтэ хии мори­ёо хиидхэхэдэ һайн.

“Наймаанай” үүдэн нээгдэнэ: олзын хэрэг эрхилхэгүй.

Энэ үдэр харгыда гарахада муу, илангаяа баруун зүг руу.

Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха.

Үһэеэ абхуулхада – эдеэ ундан элбэгжэхэ. Гэбэшье үбшэн хүрэжэ магад.

Июлиин 28, гарагай 1, буряад-монгол литээр 23

Аянда мордоходо, хотодо хэрэг бүтээхэдэ һайн. Худаг малтахагүй, адуу мал худалдахагүй.

Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.

“Хүбүүнэй” үүдэн нээгдэнэ: хүүгэдэй шухала хэрэгүүдые бүтээхэгүй, түрэһэн үдэрыень тэмдэглэхэгүй, гэрһээ холо эльгээхэгүй.

Энэ үдэр харгыда гарахада, баруун зүг руу муу, бэшэ тээшэ һайн.

Луу жэлтэнэй урагшатай, һайн гараг.

Үһэеэ абхуулхада – баялигта.

Зурхай Жаргал лама ДУГДАНОВ бэлдэбэ