457
Буряадай суута уран бүтээлшэн Даша Намдаков бэлиг талаан ехэтэй залуушуултай хүн зониие үргэнөөр танилсуулха зорилготойгоор, иимэ шиидхэбэри абаа. 2022 ондо уран зурааша Москва хотодо «НИМА» гэһэн арт-талмай болон музей нээхэ түсэбтэй. Тэндэнь гоёор таараһан хари гүрэнүүдэй, ондоо үенүүдэй болон арадуудай урлал, уран бүтээлнүүд олоной үзэмжэдэ
табигдаад байха. Һонин уулзалганууд, хөөрэлдөөнүүд, һурласал боложо байха.
- «НИМА» арт-талмайн нэрэнь түбэд хэлэнһээ “наран” гэжэ оршуулагдадаг.
Тиимэ ушарһаа – соёлдо һонирхол ехээр хандуулан, залуу уран зураашадта,
бэлигтэйшүүлдэ туһалха, тэдхэмжэ үзүүлхэ, дээшээ урган гарахадань
туһалха,
- гэжэ өөрын инстаграм хуудаһан дээрээ Даши Намдаков бэшэнхэй.
«НИМА» - талмайн гол байшаниинь үргэн, томо сонхонуудаарнь хуушан Москва хото харагдана. Тэндэ үзэсхэлэнүүдые хараха, урлалай түүхын лекци шагнаха, мастер-класснуудта хабаадаха, кино хараха арга боломжо байха.
Фото: Даши Намдаковай инстаграмай хуудаһанһаа
