​​Буряадай рэпер «Евровиденидэ» хабаадаха дуушантай клип буулгаа

Буряадай рэпер Тимур Бубеев «Евровиденидэ» хабаадаха дуушан Манижатай клип буулгаа. Долоон хоногой урид гараһан клип 750 мянга дахин хүнүүд хараһан байна. Тиихэдэ Manizha (Манижа Хамраева) «Евровидение-2021» гэһэн хэмжээ ябуулгада Ород гүрэниие түлөөлхэ гэжэ үсэгэлдэр мэдээжэ болоһон байна.

Нидерландын Роттердам хотодо байгша оной майн 18-һаа 22 болотор  Ahoy ареэдэ «Евровидение-2021» үнгэргэгдэхэ. Тус хэмжээ ябуулгада 41 гүрэнэй дуушад хабаадаха юм.

Манижа Далеровна Сангин Таджикистан уласта 1991 оной июлиин 8-да түрэһэн юм.  Ородой дуушан Manizha гээд мэдээжэ.