Хилмэ загаһанай тоо дээшэлхэ

Энэ үнтэй загаһанай тоо доошолжо, олоной һанаа зобоожо эхилһэн байгаа. Тиин хэгдэһэн ажалай ашаар, загаһанай тоо дээшэлжэ эхилбэ.

Сэлэнгын завод хилмын тоо заатагүй олошоруулха шэглэлээр ажалаа дахин һэргээжэ, 300 мянган хилмэ үдхэжэ, эдэ үдэрнүүдтэ уһанда табиба.

Загаһа олзоборилгын Россин эмхиин түлөөлэгшын орлогшо Василий Соколов Байгалай загаһа шэнжэлэлгын талаар эрдэмэй совет түлөөлжэ, энэ шэглэгээр ажахытай хамта ажал ябуулба.