623
Буряад Уласта «Арадай бюджет» гэhэн түсэлэй дүнгүүд мэдэгдэбэ. hунгалтын үедэ Буряадай ажаhуугшадhаа 50 мянганhаа үлүү дурадхалнууд ороо. Энээн тухай суглаанда Буряад Уласай толгойлогшын захиргаанай хүтэлбэрилэгшын орлогшо Виктор Аюшеев дуулгаба.
- Улаан-Үдэ хотын эрхэтэн 12 мянганhаа үлүү дурадхалнуудые оруулаа. Аймагуудай дунда эгээл олон 14 мянган шахуу дурадхал Зэдын аймагай ажаһуугшад оруулба. Аймаг бүхэнhөө эгээл шухала дүрбэн шэглэлээр түсэбүүд тодорхойлогдожо, июниин 26-hаа июлиин 1 болотор ажаhуугшад тэрэ дурадхалнуудай эгээл хэрэгтэйень шэлээ, - гэжэ Виктор Аюшеев хэлэнэ.
«Арадай бюджет» тодоруулгын дүнгүүдээр Буряад Уласта 300 миллион түхэригтэ 507 үүсхэл бэелүүлэгдэхэнь.
