​Буряад Уласай Толгойлогшо һургуулинуудта халуун хоолоор хангалгын талаар түрэлхидые хинахынь даалгаба

Мүнөөдэр үнгэргэгдэһэн түсэблэлгын суглаанда Буряад Уласай Толгойлогшо Алексей Цыденов болбосоролой болон эрдэм ухаанай яаманда һургуулинууд 1-дэхи - 4-дэхи ангинуудай һурагшадые халуун хоолор хангахаар хэр бэлэн бэшэ гэжэ шалгалтада түрэлхидые хабаадуулха гэжэ даалгаба.

- Түрэлхидтэй ажал ябуулха дүй дүршэлтэйбди, үнгэрһэн жэлдэ тэдэнэртэй хамта һургуулинуудта хэр дулаан гэжэ шалгаһан байнабди. Байгша ондо энэ жэшээгээр халуун хоолоор хангалга шалгахыень даалганаб,  - гэжэ Алексей Цыденов тэмдэглэбэ.

Байгша ондо Буряад Уласай эхин ангинуудай 65,5 мянган һурагшад халуун хоолоор хангагдаха. Энэ хэрэгтэ 306,2 сая мүнгэн һомологдоо: 259,9 сая түхэриг – федеральна бюджетһээ, 46,3 сая түхэриг – уласай бюджетһээ.

- Уласай бүхы аймагуудта эдеэ хоолоор хангаха талаар ажал ябуулагдана. Сентябриин 2 болотор болбосоролой ехэнхи эмхинүүдтэ энэ ажал хэгдээд байха гэжэ найданабди. Улаан-Үдэдэ сентябриин 1-дэ һурагшадые эдеэлүүлхээр бэлэн, - гэжэ Буряад Уласай болбосоролой болон эрдэм ухаанай сайд Баир Жалсанов хэлэбэ.

Тиихэдэ Буряадай Толгойлогшо уласай бүхы һургуулинуудта һурагшад халуун хоолоор хангагдаха, үгы гэбэл, эдихэ юумэнэй набор хубаагдаха ёһотой гэжэ онсолбо.