482
Буряад Уласта 899 һурагшадтай болбосоролой дүрбэн эмхи холоһоо һуралсал эмхидхэбэ гэжэ Буряад Уласай болбосоролой болон эрдэм ухаанай яаман дуулгаба. Бэшүүр аймагай хоёр һургуули холоһоо һуралсал (һурагшад һэлгэлдэн һураха) сентябриин 9-һөө 22 болотор эмхидхэгдэнхэй. Эдэ хадаа 447 һурагшадтай Бэшүүрэй 2-дохи һургуули болон 107 шабинартай 4-дэхи һургуулинууд болоно.
Тиихэдэ Тээгдын һургуули мүнөөдэрһөө һуралсалаа ябаха гуримаар эхилбэ. Энээнһээ урид 197 һурагшад холоһоо һуража байгаа. Тэрэшэлэн Харганаагай 150 һурагшад баһал һургуулидаа һуража эхилбэ.
- Грипп, ОРВИ үбшэндэ нэрбэгдэжэ, класс дотор нэгэ доро һурагшадай 20%-һээ дээшэнь үгы һаань, һурагшад долоон хоногһоо доошо бэшэ үдэрнүүдтэ холоһоо һурана. Улас дотор болбосоролой 44 эмхидэ классууд карантинда хаагданхай. Бүхыдөө 45650 һурагшадай 2250-нь COVID-19 үбшэнэй карантинда, ОРВИ (грипп) үбшөөр үбшэлһэн 631 һурагшад холоһоо һурана, - гэжэ болбосоролой болон эрдэм ухаанай яаманда тэмдэглэбэ.
Оперативна штабай сентябриин 18-ай мэдээсэлээр, уласай 33 һургуулида һурагшадай 30%-нь холоһоо һурана, тэрэ тоодо Улаан-Үдэдэ 28 һургуули (15 014 һурагшад), аймагуудта 5 һургуули (3070 һурагшад).
Источник: Буряад Уласай Роспотребхиналта
Фото: Анна ОГОРОДНИК
