​Буряад Уласта 2021 ондо 107 модоной зайда харгынууд заһабарилагдаха

Буряад Уласта байгша ондо «Аюулгүй, һайн шанартай автомобилиин харгынууд» гэһэн үндэһэн түсэлэй хэмжээндэ 56 объектдэ 107 модоной зайда харгы заһабарилагдаха. Үдэ гол дээгүүр гурбадахи хүүргын барилга үргэлжэлхэ.

- Барилга ябуулха ехэнхи эмхинүүдтэй хэлсээн баталагданхай, зариманиинь – баталагдажа байна. Барилгын ажал апрель-май һарада хэгдэжэ эхилхэ, - гэжэ Буряадай транспортын, элшэ хүсэнэй болон харгын ажахын сайдай орлогшо Сергей Белоколодов хэлэбэ.

Буряад Уласай ямар аймагуудта харгынууд заһабарилагдахаб гэһэн тодорхой мэдээсэл эндэ хаража болоно.