Бултайхадань, булта баярлаад...

Хэжэнгын аймагай Ушхайта һуу­ринай Марина Цыренова:

- Гурбан үхибүүдэй эжы, гал гу­ламтын эзэн эхэнэр хадаа гэр бүлэеэ шанартай, витаминуудаар баян эдеэ хоолоор хангаха гэжэ оролдодогби. Нютагайнгаа магазинуудаар яба­жа, хэрэгтэй үрэһэ худалдан абааб. Гэрэймни сонхонууд дээрэ расса­да ургаа. Үнгын сэсэгүүдыешье та­риха ехэ дуратайб. Үдэрэй дулаан­да үхибүүдээрээ гаража, газараа бэлдээбди. Нэгэ грядка морхооб һуулгагдаа. Ехэ баяртайб. Жэл бүри огородоо таридаг заншалтайбди. Хэшээлнүүдэй удаа, зунай амаралта­дашье хүүгэд тариһан юумэеэ уһал­жа байхадаа, бэеэ хүдэлгэжэ ябана ха юм. Миин гэртээ телефоноо, телеви­зорээ хараад һуунагүй. Тэрэнь ехэ сэ­нтэй. Тиигээд алтан намар огородой­нгоо баян ургаса хуряахада урматай.

Захааминай аймагай Санага һуу­ринай Марина Намсараева:

- Ажалай удаа үри хүүгэдээрээ газаагаа огородоо тарихада, ехэ гоё байдаг. “Энэ редискэ, морхообнай эды болоод ургаха”,- гээд, хөөрэл­дэжэ байгаад хүдэлхэдэ, аятай зохид. Тиигээд тариһан юумэеэ газар до­роһоо бултайхыень харахада, булта­даа баярлахаш даа. Юрэдөө, газаамнай огородой эдеэн ургажа, һалбар­жа байхада, сэдьхэлдэ нэгэ дулаан байдаг.

Улаан-Үдын ажаһуугша Светлана Зондуева:

- Үнгэрһэн үбэл Улаан-Үдэ зөөжэ ерээб. Мухар-Шэбэрэй айма­гай болоноб. Дулаанай сагта огород ехэ тариха дуратайб. Өөрымни эжы аба – Буда Батуевич Цыренсу Жам­суевна хоёр Зандин нютагтаа арга­гүй ехэ огород таридаг һэн. Мойһон, малина, вишни гээд гоёор сэсэглэхэ, газаамнай ёһотой саад һэн. Эжы абынгаа жэшээгээр баһал оролдожо, жэл бүри огородоо һуулгагша һэм. Мүнөө ниислэл хотодо болбосон тү- хэлтэй гэртэ ажаһуугаашье һаа, ба­тун, редискэ, укроп гэхэ мэтэ түргэн сагай туршада ургадаг зүйлнүүдые таряаб.