Буряад-монгол зурхай июниин 24-һөө 30 болотор

Июниин 24, гарагай 2, буряад-монгол литээр 18 (17 таһарба)

Айраг тараг бүрихэдэ һайн. Аянда мордохогүй, хүүр залахагүй.

Амгалан тайбанай, малгайн, гуталай, хубсаһанай хэшэг даллага абахада; гахай, хонин, туулай жэл­тэй хүнүүдтэ хии мориёо хиидхэхэдэ һайн.

“Үхээриин” үүдэн нээгдэнэ: наһа барагшые хүдөөлхэгүй.

Харгыда гарахада муу, илангаяа зүүн зүг руу.

Нохой жэлтэндэ һанаһанаа бүтээхэдэ, урагша­тай гараг; хонин жэлтэнэй буянай үдэр.

Үһэеэ абхуулхада – гарза гараха.

Июниин 25, гарагай 3, буряад-монгол литээр 19

Бэри буулгахагүй, хүүр залахагүй, адуу мал худалдахагүй.

Амгалан тайбанай, баялигай хэшэг даллага аба­хада; хулгана, луу, бишэн жэлтэй хүнүүдтэ хии мо­риёо хиидхэхэдэ, һайн үдэр.

“Үхэлэй” үүдэн нээгдэнэ: наһа барагшын хэрэгүүдые бүтээхэгүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Морин, могой жэлтэнэй урагшатай үдэр; хулга­на, гахай жэлтэнэй буян үйлэдэхэ гараг. Тахяа, би­шэн жэлтэндэ муу үдэр, һэргэг ябаха хэрэгтэй.

Үһэеэ абхуулхада – Бурхан багшын һургаал дэлгэрхэ.

Июниин 26, гарагай 4, буряад-монгол литээр 20

Арьбажуулгын бүхы үйлэнүүдтэ һайн. Аянда мордохогүй.

Амгалан тайбанай, мориной хэшэг даллага аба­хада; бар, морин, нохой жэлтэй хүнүүдтэ хии мори­ёо хиидхэхэдэ һайн.

“Ниитын” үүдэн нээгдэнэ: суглаа зарлахагүй, шу­хала уулзалга эмхидхэхэгүй.

Энэ үдэр “морин үхэхэ, эмээл хухарха” ушарһаа харгыда гарахада муу, илангаяа зүүн зүг руу.

Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.

Үһэеэ абхуулхада – үлэсхэлэндэ, ангалгада.

Июниин 27, гарагай 5, буряад-монгол литээр 21

Үрэһэ тарихада һайн. Халуун уһанда орохогүй.

Амгалан тайбанай, илангаяа хүүгэдэй даллага абахада; тахяа, үхэр, могой жэлтэй хүнүүдтэ хии мориёо хиидхэхэдэ һайн.

“Айлшанай” үүдэн нээгдэнэ: айлшадые урихагүй.

Энэ үдэр харгыда гарахада, урда зүг руу муу, бэшэ тээшэ һайн.

Бар, туулай жэлтэнэй урагшатай үдэр, харин та­хяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.

Үһэеэ абхуулхада – халдабарита үбшэнүүдтэ.

Июниин 28, гарагай 6, буряад-монгол литээр 22

Болбосоролой, һуралсалай хэрэгүүд урагшатай, урлалай эрдэмдэ һурахада һайн.

Амгалан тайбанай, хониной хэшэг даллага аба­хада һайн.

“Наймаанай” үүдэн нээгдэнэ: олзын хэрэг эрхилхэгүй.

Энэ үдэр харгыда гарахада муу, илангаяа баруун зүг руу.

Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэг­тэй.

Үһэеэ абхуулхада – эдеэ хоол элбэгжэхэ, гэбэ­шье үбшэн хүрэжэ магад.

Июниин 29, гарагай 7, буряад-монгол литээр 23

Хотодо хэрэг бүтээхэдэ һайн.

Амгалан тайбанай, ургаса таряанай даллага аба­хада; бар, морин, нохой жэлтэй хүнүүдтэ хии мори­ёо хиидхэхэдэ һайн.

“Хүбүүнэй” үүдэн нээгдэнэ: хүүгэдэй шухала хэ­рэг үйлэдэхэгүй, түрэһэн үдэрыень тэмдэглэхэгүй, гэрһээ холо эльгээхэгүй.

Энэ үдэр харгыда гарахада, баруун зүг руу муу, бэшэ тээшэ һайн.

Үхэр жэлтэнэй урагшатай гараг; бар, туулай жэл­тэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.

Үһэеэ абхуулхада – баялигта.

Июниин 30, гарагай 1, буряад-монгол литээр 24

Үрэһэ тарихада, аянда мордоходо һайн.

Энэ үдэр амгалан тайбанай, эдеэ унданай, бая­лигай, адуу малай хэшэг даллага абахада һайн.

“Сэрэгэй” үүдэн нээгдэнэ: сэрэг хүдэлгэхэгүй, заргалдахагүй.

Энэ үдэр харгыда гарахада муу, илангаяа баруун зүг руу.

Луу жэлтэнэй урагшатай, һайн гараг.

Үһэеэ абхуулхада – үбшэндэ, амисхал хүндэрхэ.

Жаргал лама ДУГДАНОВ бэлдэбэ