![](/upload/iblock/8ef/0vcx7mh139m3wcsifi771st0nsx6u6v6.jpg)
Августын 19, гарагай 2, буряад-монгол литээр 15.
Абида бурханай дүйсэн үдэр.
Гэр байра бодхооходо, үрэһэ тарихада, арьбажуулгын хэрэгүүдтэ һайн. Нүүхэ зөөхэгүй, хүүр залахагүй, бэри буулгахагүй.
Амгалан тайбанай, баялигай: малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ һайн үдэр.
“Түрэлнүүдэй” үүдэн нээгдэнэ: түрэл гаралнуудтаяа найрлахагүй.
Энэ үдэр харгыда гарахада, урда зүг руу муу, бэшэ тээшэ зүглэбэл - бараг.
Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – үлзытэй. Гэбэшье һүнэһэн толгойдоо оршоно гэжэ бү мартая.
Августын 20, гарагай 3, буряад-монгол литээр 16.
Нүхэсэхэдэ, аралжаа наймаанда, газар малтахада һайн. Холын харгыда гарахагүй, хэлэ ама татахагүй, заргалдахагүй.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ һайн үдэр.
“Хэрэмэй” үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.
Энэ үдэр харгыда гарахада, урда зүг руу муу, хойто зүг руу һайн, бэшэ тээшээ бараг.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада – үбшэндэ, амисхаалда муу.
Августын 21, гарагай 4, буряад-монгол литээр 17.
Аян замда мордоходо, аралжаа наймаанда, наһа барагшын хэрэг бүтээхэдэ һайн. Бэри буулгахагүй.
Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
“Бэриин” үүдэн нээгдэнэ: бэриин хэрэг бүтээхэгүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ болохо.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – үнгэ зүһэ доройтохо, нюдэн бүрэлзэхэ.
Августын 22, гарагай 5, буряад-монгол литээр 18.
Айраг тараг бэрихэдэ һайн. Аянда мордохогүй, хүүр залахагүй.
Амгалан жаргалантай Дашанима (Үлзытэ) үдэр - абишиг (Ваан) хайрлахада, һайтар байгуулхада (рамнай үргэхэ), бурханай тахилга хэхэдэ һайн.
Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэхэдэ һайн.
“Хүүрэй” үүдэн нээгдэнэ: наһа барагшын хэрэг үйлэдэхэгүй.
Энэ үдэр харгыда гарахада, баруун зүг руу муу, баруун-урагшаа зүглэхэдэ һайн, бэшэ тээшэ бараг.
Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – гарзада.
Августын 23, гарагай 6, буряад-монгол литээр 19.
Харгыда ябахада һайн. Бэри буулгахагүй, хүүр залахагүй, адуу мал худалдахагүй.
Амгалан тайбанай, хониной хэшэг даллага абахада һайн.
“Үхэлэй” үүдэн нээгдэнэ: наһа барагшын хэрэг бүтээхэгүй.
Энэ үдэр харгыда гарахада, зүүн зүг руу муу, зүүн - хойшоо зүглэжэ гарахада һайн, бэшэ тээшэ бараг.
Хонин, тахяа, бишэн жэлтэнэй урагшатай һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – Бурхан багшын һургаал дэлгэрхэ, һайн нүхэртэй нүхэсэхэ.
Августын 24, гарагай 7, буряад-монгол литээр 20.
Арьбажуулгын бүхы үйлэнүүдтэ урагшатай. Аянда мордохогүй.
Амгалан тайбанай, таряа талханай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ һайн.
“Ниитын” үүдэн нээгдэнэ: суглаа зарлахагүй, шухала уулзалга эмхидхэхэгүй.
Энэ үдэр «морин үхэхэ, эмээл хухарха” ушарһаа харгыда гарахада муу, илангаяа зүүн зүг руу.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха.
Үһэеэ абхуулхада – үлэсхэлэндэ, ангалгада.
Августын 25, гарагай 1, буряад-монгол литээр 21.
Үрэһэ тарихада, харгыда ябахада һайн. Халуун уһанда (пүнзэдэ) орохогүй.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.
“Айлшанай” үүдэн нээгдэнэ: айлшадые урихагүй.
Энэ үдэр харгыда гарахада, урда зүг руу муу, баруун-хойшоо гарахада урагшатай, бэшэ тээшэ бараг.
Луу жэлтэнэй урагшатай, һайн гараг.
Үһэеэ абхуулхада – халдабарита үбшэндэ.
Зурхай Жаргал лама ДУГДАНОВ бэлдэбэ
Фото: Анна Огородник