Буряад-монгол зурхай августын 26-һаа сентябриин 1 болотор

Августын 26, гарагай 2, буряад-монгол литээр 22

Эрдэм номдо, урлалда һурахада, зурхай шудалха­да һайн.

Амгалан тайбанай, баялигай: малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ һайн үдэр.

“Наймаанай” үүдэн нээгдэнэ: олзын хэрэг эрхилхэгүй.

Энэ үдэр харгыда гарахада муу, илангаяа баруун зүг руу, хойшоо зүглэбэл бараг.

Августын 27, гарагай 3, буряад-монгол литээр 23

Харгы замда гарахада, хотодо хэрэг бүтээхэдэ һайн. Худаг малтахагүй, адуу мал худалдахагүй.

Амгалан тайбанай, баялигай хэшэг даллага абаха­да; хулгана, луу, бишэн жэлтэй хүнүүдтэ хии мориёо хиидхэхэдэ һайн үдэр.

“Хүбүүнэй” үүдэн нээгдэнэ: хүүгэдэй шухала хэрэг үйлэдэхэгүй, түрэһэн үдэрынь тэмдэглэхэгүй, гэрһээ холо ябуулхагүй.

Энэ үдэр харгыда гарахада, баруун зүг руу муу, урда зүг руу һайн, бэшэ тээшээ бараг.

Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.

Үһэеэ абхуулхада – баялигта.

Августын 28, гарагай 4, буряад-монгол литээр 25 (24 таһарба)

25 - Хандамаанарай дүйсэн үдэр.

Аян замда мордоходо, таряа тарихада, аралжаа наймаа ябуулхада, наһа барагшын хэрэг бүтээхэдэ һайн.

Амгалан тайбанай, мориной хэшэг даллага абаха­да; бар, морин, нохой жэлтэй хүнүүдтэ хии мориёо хиидхэхэдэ һайн.

“Түрэлэй” үүдэн нээгдэнэ: түрэл гаралнуудтаяа найрлахагүй.

Энэ үдэр харгыда гарахада, зүүн зүг руу муу, зүүн урагшаа һайн, бэшэ тээшэ бараг.

Хулгана, гахай жэлтэнэй һайн гараг; үхэр, луу, но­хой жэлтэнэй буян үйлэдэхэ үдэр. Морин, могой жэл­тэн һэргэг байхые оролдог.

Үһэеэ абхуулхада – нюдэн бүрэлзэхэ.

Августын 29, гарагай 5, буряад-монгол литээр 26

Айраг тараг бэрихэдэ, газар хахалхада һайн. Аянда мордохогүй, адуу мал худалдахагүй, аралжаа наймаа ябуулхагүй.

Амгалан тайбанай, хүүгэдэй хэшэг даллага абаха­да; тахяа, үхэр, могой жэлтэй хүнүүдтэ хии мориёо хиидхэхэдэ һайн.

“Хэрэмэй” үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.

Энэ үдэр «морин үхэхэ, эмээл хухарха” ушарһаа харгыда гарахада муу, илангаяа зүүн зүг руу, ба-руун тээшэ бараг.

Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хо­нин, нохой жэлтэн һэргэг ябахые оролдохо.

Үһэеэ абхуулхада – жаргалда.

Августын 30, гарагай 6, буряад-монгол литээр 27

Айраг тараг бэрихэдэ, хүүр залахада, харгыда яба­хада һайн. Бэри буулгахагүй, нүхэсэхэгүй.

Амгалан тайбанай, хониной хэшэг даллага абахада һайн.

“Бэриин” үүдэн нээгдэнэ: бэриин хэрэг бүтээхэгүй.

Энэ үдэр харгыда гарахада, урда зүг руу муу, баруун-урагшаа зүглэжэ гарахада һайн, бэшэ тээшэ бараг.

Хонин, тахяа, бишэн жэлтэнэй урагшатай һайн үдэр; морин, бишэн жэлтэнэй буянай үдэр. Бар, туу­лай жэлтэнэй чисаа гараг – һэргэг ябаха хэрэгтэй.

Үһэеэ абхуулхада – үлзытэй.

Августын 31, гарагай 7, буряад-монгол литээр 28

Арьбажуулгын бүхы үйлэнүүдтэ урагшатай. Наһа барагшын хэрэг үйлэдэхэгүй, бэри буулгахагүй.

Амгалан тайбанай, таряа талханай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ һайн.

“Үхээриин” үүдэн нээгдэнэ: хүүр залахагүй.

Энэ үдэр харгыда гарахада, баруун зүг руу муу, зүүн-хойшоо һайн, бэшэ тээшэ бараг.

Үхэр жэлтэнэй урагшатай гараг; бар, туулай жэл­тэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха.

Үһэеэ абхуулхада – хэрүүл тэмсэлдэ.

Cентябриин 1, гарагай 1, буряад-монгол литээр 29

29-дэ Нирманарати замби түбиһөө бурхан сахюу­сад буужа, хүн зоной һайн, мууе хэһэниие харан шал­гадаг.

Далдын муу муухайе, дайсанаа дарахада һайн. Бэри буулгахагүй, хүүр залахагүй, адуу мал худалдахагүй, аралжаа наймаа ябуулхагүй.

Энэ үдэр амгалан тайбанай, эдеэ унданай, баяли­гай, адуу малай хэшэг даллага абахада һайн.

“Үхэлэй” үүдэн нээгдэнэ: наһа барагшын хэрэг үйлэдэхэгүй.

Энэ үдэр харгыда гарахада, баруун зүг руу муу, зүүн тээшээ гарахада урагшатай, бэшэ тээшэ бараг.

Луу жэлтэнэй урагшатай һайн гараг.

Үһэеэ абхуулхада – һүнэһэн зайлаха.

Зурхай Жаргал лама ДУГДАНОВ бэлдэбэ