​Гүрэнэй Дүүмэдэ Буряад Уласһаа һунгамалнууд ямар хороонуудтаб?

Эдэ үдэрнүүдтэ Гүрэнэй Дүүмэдэ 32 хороон бүридхэгдэбэ. Хороонуудта 5-һаа 28 хүрэтэр һунгамалнууд тоологдоно. 

Буряад Уласһаа һунгамал Николай Будуев Экологиин, байгаалиин нөөсэнүүдэй болон оршон тойронхиие хамгаалгын хороондо үлэбэ. Үнгэрэгшэ зарлалда тэрэ хорооной түрүүлэгшын орлогшын уялга дүүргэжэ байгаа. Буряад Уласта КПРФ-эй ударидагша Вячеслав Мархаев гүрэнэй Барилгын болон хуули бүридхэлгын хороон шэлэбэ. Харин Вячеслав Дамдинцурунов Залуушуулай хэрэгүүдээр хороондо ажалаа ябуулха байһанаа мэдүүлээ. Тэндэ оройдоол 6 һунгамал тоологдоно.