​Буряадай Хориин аймагай ажаһуугшад «Алас Дурна зүгэй гектар газар» гэһэн түсэлдэ хабаадана

Иимэ нэрэтэй федеральна түсэлдэ Хориин аймаг хабаадалсана. 2019 оной августын 1-һээ хойшо 17 мэдүүлгэ зүбшөөгдөө. 

Хориин аймагай дэбисхэр дээрэ Алас Дурнын гектар газар абаха тухай 46 мэдүүлгэ оронхой. Аймагай захиргаанай газарай хорооной мэргэжэлтэн Гэрэлма Аюшеевагай хэлэһээр, оройдоол 17-иинь зүбшөөгдөө. Заримашуул дутуу саарһа данса бэлдээ, мэдүүлгэнь тэдээндэ бусаагдаа. Зургаан мэдүүлгэ уласай Ойн ажахын агентствэдэ дамжуулагдаа. Юуб гэхэдэ, абаха газарынь ойн жасада хабаатай байшоо. 

- Олон хүнүүд сабшаландаа гектар абаха гэжэ шамдана. Мүн хубиин ажахы байгуулха дуратайшуул үсөөн бэшэ. Түсэлдэ хабаадаһан гурбан хүн газараа абанхай. Гэр байра бодхоожо эхилээ, - гэжэ Г.В. Аюшеева мэдүүлнэ. 

Бүхы мэдүүлгэ үгэгшэд Хориин аймагһаа уг гарбалтай, мүнөөшье эндэ ажаһуудаг хүн зон болоно. Һүүлэй мэдээсэлээр Буряад Улас дотор 2263 гектар газар ажаһуугшадта үгтөөд байна. 

Лидия СТРЕКАЛОВСКАЯ, “Удинская новь” сонин