​«Буряад үхэр» гэһэн буян үйлэдэлгын программаар суглаан Ивалгын дасанда үнгэрхэ

Байгша оной ноябриин 13-да Ивалгын «Хамбын хүрээ» дасанда Ородой Холбоото Уласай Буддын шажантанай заншалта Сангхын «Буряад үхэр» гэһэн буян үйлэдэлгын программын нэгэдэхи шатаар тоосоото суглаан үнгэргэгдэхэ. Тус программа Сангхын бүридэлдэ ородог дасангуудай жиндагууд – залуу айлнуудые дэмжэхэ зорилготой.

Энэ суглаанда программада хабаадагшад булта уригданхай. Тэдэнэр «Ниигэмэй хонин һүрэг» гэһэн түсэлэй маягаар бодо мал үсхэбэрилхэ гэжэ хэлсээ баталанхай. Тиигэжэ Бабантын, Баргажанай, Загарайн, Захааминай, Түнхэнэй болон Хурамхаанай аймагуудай фермернүүд хэмжээ ябуулгада хабаадана.

Суглаанда хабаадагша бүхэн хэгдэһэн ажалай дүнгүүдээр тоосохо юм. Ородой Холбоото Уласай Буддын шажантанай Сангхын Бандида Хамба лама Дамба Аюшеев саашанхи хүгжэлтын талаар заабаринуудые үгэжэ, энэ асуудалаар зүбшэн хэлсэжэ, дурадхалнууд оруулагдаха юм.