458
Агада Цыбен Жамцараногой нэрэмжэтэ Үбэр Байгалай хизаарай номой санда гэгээрүүлхы ажал хэгдэжэ эхилбэ. Тэндэ буряадаар аудио-номуудые гаргажа эхилээ. Иимэ түсэл бэелүүлхэ хэрэгтэ гүрэнһөө 100 гаран мянган түхэриг һомологдобо.
Энэ мүнгөөр абяа бэшэхэ шэнэ техникэ абтаба. Тиигэжэ номой сангай эрхилэгшэ Светлана Дамдинжаповагай хүтэлбэри доро буряад номуудые уран һайханаар уншажа, абяаень миндаһан дээрэ бэшэжэ абана. Тэрэнээ сахим түхэлтэй болгоһоной удаа номой сангай сайтда оруулна.
Сайт руу ороһон хүн дуратай номоо шэлэжэ, тэрээн тээшэ зааһан тобшо дарахалаарнь, тэрэнииень уншаад үгэжэ байха юм. Аудио-ном түлбэригүй.
Буряад хэлэ намда хүн заагаагүй, тиимэһээ би буряадаар уншажа шадахагүйб гээд ябадаг хүнүүдтэ иимэ номууд тон хэрэгтэй. Тиин хүнэй хэлэн сэбэр болохо, үгэнүүдээ зүб мүрөөр үгүүлжэ һураха ба үгынгөө сан баяжуулхада туһа. Дүн хамта энэ түсэлөөр 10 номой, тэрэ тоодо хүүгэдэй номуудай бэшэлгэ хэгдэхэ юм
Автор: Бадмажаб ГЫНДЫНЦЫРЕНОВ
