​Буряадай эмшэдтэ хүшөө

Байгша оной май һарада «Орос Уласай эжынэр» («Матери России») гэһэн эмхиин буряадтахи таһагай эдэбхитэн, хорото ханяадантай тэмсэжэ байтараа өөһэдөө энэ үбшэндэ нэрбэгдэжэ наһа бараһан эмшэдэй дурасхаалда, хүшөө табиха гэһэн дурадхал оруулһан юм.

Тэрэ дурадхалыень арад зон дэмжэжэ алта мүнгэ суглуулжа эхилээ һэн. Һайн дуратанай суглуулһан мүнгэниинь мүнөө 1,5 сая түхэриг болоод байна.

Эмхидхэгшэд Улаан-Үдын ажаһуугшадта ерээдүйн хүшөөдэ таатай газар шэлэхыень, һанал бодолоороо хубаалдахыень уряалба. Һанамжаараа хубаалдаха гэбэл энэ хаяагаар [email protected] бэшэг бэшэхэдэ болоно.