495
Балтиин далайн эрьеһээ амаршалга ябуулнабди. “Буряад үнэн” – бүхы уласай түүхэ бэшэгшэ үндэһэн сонин болоно гээшэ. Буряад хэлэеэ сахин хүгжөөхэ үндэр үүргэ даагаад ябана. Хэдэн үе зон энэ сонин уншаһаар үндыгөө ха юм. Саг мүнөө ондоо болоо. Хилэ хизгаар гэжэ үгы шахуу. Мэдээсэлнүүд дэлхэйн булан бүхэнһөө дары дамжуулагдана. Энэ эрхэ байдалда үндэһэн соёлоо, хэлээ алдаха ёһогүйбди. Иимэ нангин хэрэг даагаад ябаһан “Буряад үнэнэй” бүхы ажалшадта амжалта хүсэнэб.
