Буряад орон айлшалха

24 полуфиналистһаа 8 хүн шалгаржа, тэдээндэ ДФО-гой нютаг можонуудта хоюулаа аяншалха путёвконууд барюулагдаа. Тиигэжэ Амарай можоор аяншалха путёвко Екатерина Дмитриева шүүгээ, Николай Кононов Камчаткаар ябаха, Анастасия Абрамовае Магаданай можо хүлеэнэ, Кристина Третьякова Примориин хизаар хүрэхэ, Нина Романовае Яхадта угтахаар бэлэн, Анатолий Дмитриевые Сахалинай можо айлшалуулха, Анна Сольжиграсова Хабаровска хизаараар аяншалха. Харин Буряад ороной үзэсхэлэн газарнуудые Александра Матвеева хараха аргатай болоо. Финалистнуудые болон квестын илагшадые нютаг можонуудай түлөөлэгшэд баяр ёһололой оршондо амаршалжа, аяншалгын баталамжануудые болон бэлэгүүдые барюулаа. Мүнөө жэл Алас Дурнын Ехэ квестдэ дүн хамта 2386 хүн хабаадаба.