Һайхан газараа харуулхаяа

Тус фестиваль «Буряадай дэбисхэр дээрэ Ород гүрэнтэй танилсалга» гэжэ нэрлэгдэнхэй. Аяншалгын һалбарида зорюулагдаһан хуралдаан гээд, эмхидхэгшэд мэдүүлнэ.

- Буряад Уласта аяншалагшад олоор айлшалжа, аргагүй һайхан байгаалитай, эндэ ажаһуудаг олон тоото арад зоной ёһо заншалтай танилсажа, бэеэ, сэдьхэлээ амаруулна гээшэ. 100 жэлэйнгээ ойн баярые 2023 ондо тэмдэглэһэн уласай бүхы ажаһуугшадтань тус фестиваль бэлэг боложо үгэхэ, - гэжэ хүтэлбэрилэгшэ Александр Ильин хэлэнэ.

Баримтата фильмүүдэй, киногой аргаар ямаршье хүн өөрын дурлаһан һайхан газар харуулха аргатай юм. Ямаршьеб даа можо хизаарнуудтай танилсуулгын фильмүүд олоор эндэ харуулагдахаар хараалагдана. Аяншалга хүгжөөжэ байһан нютаг нуганууд тухай хөөрэһэн бага хэмжээнэй фильмүүд олоной һонирхол татана. «Буряадаар аяншалнабди!», «Агууехэ сайн замаар» гэһэн хоёр шэглэлээр тусхай шангууд барюулагдаха юм.

Августын 31 болотор фестивальда харуулагдаха бүтээлнүүдые шэлэн абалга үнгэргэгдэнэ. Буряад Уласай аяншалгын яаманай сайт дээрэ мэдүүлгэ эльгээхэдэ болоно.