407
Хүндэтэ багшанар! Бүхы зүрхэ сэдьхэлээрээ хүдэлжэ, эрдэм мэдэсэеэ үхибүүдтэ дамжуулыт даа. Энэ һуралсалай гуламтаһаа шадамар бэрхэ хүүгэд урган гаража байг лэ даа. Харин хүүгэдтэ бүхы харгы замуудынь нээлтэтэй байхыень хүсэнэб. Багшанартнай танда хэрэгтэй бүхы юумэ үгэхэ байха, - гэжэ Буряад Уласай Толгойлогшо Алексей Цыденов үгэ абахадаа хэлэбэ.
2017-2022 онуудта Буряадтамнай 10 мянган һурагшадта 27 һургуули, 6510 хүүгэдтэ 27 сэсэрлиг баригдаа. Энэ бүхы барилга Юрэнхылэгшэ Владимир Путинай зарлигаар бэелүүлэгдээ. 2023 оной дүүрэтэр үшөө 7 сэсэрлигэй, 9 һургуулиин байшангууд ашаглалгада тушаагдаха. Харин ерэхэ 2024 ондо 2 сэсэрлиг, 4 һургуулиин байшан баригдаха юм.
