Москвада - шатарай мүрысөөн

Тамирай хэмжээниие «Уряал» гэһэн Москва хотын буряад соёлой бүлгэмэй түрүүлэгшэ Батор Дугаров нээгээд, мүрысөөнэй түүхэ ба Алдарай баатаршалга тухай хөөрөөд, саашадаа Алдар Цыденжапов тухай фильм харахые дурадхаба.     

Саашадаа “Москвагай үндэһэтэнэй байшан” гэһэн эмхиин захирал С. С. Ануфриенко үгэ абажа, Алдарай баатаршалгын жэшээ дээрэ ургажа байһан залуу үетэниие Эхэ орондоо дуратайгаар хүмүүжүүлхын шухала удха шанартайе тэмдэглэһэн байна.

Забайкалиин хизаарай Правительствын түлөөлгэтэ албанай хүтэлбэрилэгшын нэгэдэхи орлогшо О.Д.Даминов Агын Буряадай тойрогто А. Цыденжаповай баатаршалгые мүнхэлэлгын хэмжээнүүд тухай хөөрэжэ үгэбэ: хоккей, сүлөөтэ барилдаан гэһэн тамирнуудаар  мүрысөөнүүд заншалта болоһон, Алдар Цыденжаповай нэрэмжэтэ корвет амжалтатайгаар сэрэгэй һуралсалай байлдаануудта хабаадаа. О.Д.Деминов “Уряал” бүлгэмдэ ба Москвагай үндэһэтэнэй Байшанда шатарай мүрысөө эмхидхэһэнэй түлөө баярые хүргэбэ.           

Баяр ёһололто нээлтын үргэлжэлдэ эмхидхэлэй комитедэй түрүүлэгшэ,  “Забайкалиин нютагаархин” гэһэн Ассоциациин гүйсэдхэгшэ захирал С.Н.Фёдоров мэнэ һая харуулагдаһан Алдар тухай фильмын олон һайн мэдээсэлнүүдтэй ба эдир буряад Баатар хүбүүнэй наһанай намтар, абари зан, баатаршалга тухай гүнзэгы тодорхойгоор харуулжа шадаа гэжэ тэмдэглэһэн байна. Эсэстэнь С.Н.Фёдоров бүгэдэ тамиршадта амжалтануудые хүсэбэ.          

Саашадаа Уржумова Туяна Владимировна сугларагшадта баяр ёһололой үгэнүүдтэйгээр хандажа, бүгэдые амаршалаа. Тэрэ Цыренова Адиса Владимировна гэһэн дүү басагантаяа хамта Россиин Герой Алдар Цыденжаповай жасын түлөөлэгшэ Владимир Ринчинович Уржумовай – эсэгынгээ хэрэг үргэлжэлүүлнэ.      

М.Н.Шиноева гэжэ авторай Алдарта зорюулһан ирагуу шүлэг ба Денис Мокроусовой гүйсэдхэһэн дуунууд олоной зүрхэ сэдьхэл доһолгоо.

Турнирай кубогүүд, дипломууд, медальнууд мүрысөөнэй спонсор “Забайкалиин нютагаархин” Ассоциациин захирал С.Н.Фёдоров байгуулаа.      Мүрысөөндэ илагшадай шангуудые олон жэлэй туршада Ородой Холбоото Уласай сенатор Б.Б.Жамсуев тогтоон байгуулдаг заншалтай.  

Хоёрдохи һууриин шангуудые Забайкалиин хизаарай Правительствын түлөөлгэтэ албанай хүтэлбэрилэгшэ А.В. Бардалеев байгуулба.

Шэтэ хотын олзын хэрэг эрхилэгшэ З.К.Дугаров гурбадахи һууриин түлөө шангуудай спонсорынь боложо дэмжэлтэ үзүүлһэн байна. 

1 -дэхи ба 2 -дохи һууринуудые эзэлһэн бүдүүн зоной тусхай шангуудые Москвагай үндэһэтэнэй Байшан байгуулаа.

Ниислэл хотын  “Орда” ресторанай генеральна захирал Д.А.Дашиев ба “Алтаргана” кафен генеральна захирал С.Б.Доржиева гэгшэд өөрын тусхай шангуудаар илагшадые урмашуулһан ушартай.    

Россиин буддистнүүдэй заншалта САНГХ -ын Москвагай түлөөлгэтэ албанай Дид Хамба Д. В. Содномдоржиев дүрбэн янзын наһанай үхибүүдэй шангуудые тогтоон байгуулаа.   

В.Р. Уржумовагай бүлэ эгээл эдир залуу ба эгээл дүй дүршэлтэй шатаршадта барюулагдаһан тусхай шангуудай байгуулагша болоһон байна.   

Буряад Уласай правительствын түлөөлгэтэ албан мүрысөөнэй эмхидхэлгэндэ дэмжэлтэ үзүүлээ гэжэ тэмдэглэгдэнэ. 

Тамирай хэмжээндэ Алдар Цыденжаповай түрэлэй хүн З.З.Ванчиков хабаадаба. 

  Мүрысөөнэй түгэсхэлдэ “Уряал” гэһэн буряад соёлой Түрүүлэгшэ Б.Д.Дугаров бүхы хабаадагшадта, Үндэһэтэнэй Байшангай захиралда ба залуушуултай хүдэлмэриин таһагта, туһаламжа үзүүлһэн спонсорнуудта ехэ баярые хүргөөд, бүгэдэндэ бэеын энхэ элүүрые, амжалтануудые хүсэһэнэй удаа саашадаа суг хамтын ажаябуулгануудаа үргэлжэлүүлхэ тухай уряалһан байна.

Ахамад судья К.Р. Израэльянц шатарай мүрысөөнэй үндэр хэмжээндэ эмхидхэгдэһэн ба тамиршадай шадамгай бэрхэ байһаниие онсо тэмдэглэбэ.       

МҮРЫСӨӨНЭЙ ДҮНГҮҮД:

Бүһэтэйшүүл:

1 һуури - Шобоев Дандар

2 һуури - Аалиев Мукан

3 һуури -  Гринштейн Александрт (Чуваш Улас)

Эхэнэрнүүд:

1 һуури – Балданова Номина

2 һуури – Аюшиева Оюна

3 һуури – Дырхеева Наталия

 

Үхибүүд  7-8 наһан:

1 һуури – Балданов Баяр

2 һуури – Фролин Петр

 

Үхибүүд 9 -10 наһан:

1 һуури - Пинтаев Евгений

2 һуури - Балданова Нарана

3 һуури – Корабельников Филипп

 

Үхибүүд 11-13 наһан:

1 һуури - Абагаев Владимир

2 һуури – Полянский Артем

3 һуури – Фролин Павел

 

Үхибүүд 14 – 17 наһан:

1 һуури – Антонов Александр

2 һуури – Дугаров Зоригто