Гэр байрануудаар хангагдаба

Уласай мэдэлдэ байһан зөөри түлөөһэгүйгөөр дамжуулха тухай хэлсээн Буряад Уласай Эд зөөриин ба газарай харилсаануудай яаманай ба нютагай за­хиргаануудай хоорондо бата­лагдаба. Харин эрхэтэдэй хоорондо байра хубааха талаар жээрэб таталган болоо. Мүнөө сагайхяар түхеэрэгдэһэн, хан­гамжа һайтай гэр байрын түлхюурнүүдые Буряад Уласай Толгойлогшо Алексей Цыде­нов, Буряад Уласай прокурор Михаил Филичев гэгшэд эзэд­тэнь барюулба. Сэрэгэй тусхай операцида хабаадаһан Мухар- Шэбэрэй аймагай дүрбэн хүн шэнэ гэртэ байратай болобо.

- Хүндэтэ нютагаархид, Тарбагатай, Мухар-Шэбэр һууринуудай үншэн хүүгэдтэ гэр байрын түлхюурнүүдые барюулбабди. Һаруул, уужам, мүнөө сагта тааруу шэнэ гэрнүүд ашаглалда тушааг­даа. Үнгэрэгшэ жэлдэ үншэн хүүгэдые байраар хангаха про­граммын мүнгэн зөөри гори­тойхоноор нэмээбди. Гадна тэдэнэй дунда сэрэгэй тусхай операцида хабаадагшадай байбал, нэн түрүүн тэдэниие гэр байраар хангаха шиидхэбэ­ри абаһан байнабди. Анхараг­ты, энэ хэрэгтэ нэмэлтэ мүнгэн һомологдоно. Жэлһээ жэлдэ бүри олон үншэн хүүгэдые гэртэй болгохые оролдоноб­ди, - гэжэ Алексей Цыденов шэнэ гэрнүүдтэй болоһон ажаһуугшадые амаршалба.

Буряадай Толгойлогшо шэнэ байратай болоһон зонтой хамта модонуудые һуулгаба. Гэр байраяа харууһалха, ор­шон тойронхи газараа болбо­сон түхэлтэй болгохо, сэсэрли­гээ хүгжөөхэ хэрэгтэнь туһатай байха ТОС байгуулхыень Тол­гойлогшо ажаһуугшадта ду­радхаба.

Шэнэ гэрнүүд хоёр подьезд­тэй, гурбан дабхартай. Дабхар бүхэндэ бүхы хэрэгтэй юумээр хангагдаһан нэгэ таһалгатай 12 байра. Барилгада 221 сая түхэриг гаргашалагдаа. Гэ­рэй оршон тойронхи газарта үхибүүдэй талмай зохёогдон­хой. Шэнэ гэр байрадаа эзэ­дынь дары түргэн зөөжэ орохо аргатай, харин хэдэн жэлэй үнгэрхэдэ, байрань тэдэнэй үмсын зөөри болохо юм.