167
Буряадай ниислэл хотодо модошо дархан Самбу Батонимаевай уран бүтэлнүүд дэлгэгдэхэ. Самбу Батонимаев буряад арадай гэр доторой заншалта эд бараа болон буддын шажанай гунгарбаануудые дархалдаг. Уран гартан мүнөө үедэ арадайнгаа заншал алдангүй, тэрэнээ нангинаар сахин, ажалаа бүтээнэ.
Тус хэмжээ ябуулга Сагаан һара угтуулан, февралиин 19-һөө мүнөө үеын соёл уралигай «Залуу» түбтэ эмхидхэгдэхэ.
Дугар-Нима Будаевич эсэгэеэ дахажа, Самбу Батонимаев 2016 дархалжа эхилһэн. Саашадаа тэрэ һонирхолоо алдангүй, мэргэжэнги мастерскойтой болоһон юм. Тэрэнэй бүтээлнүүд гансашье Буряад Уласай дэбисхэртэ гэрнүүдые болон олониитын талмайнуудые шэмэглэдэг бэшэ, харин бүхы Ород гүрэн дотороо ВДНХ болон Владивисток хотодо болоһон уласхоорондын хураалдаанай үзэсхэлэнэй талмайнуудые гоёодог.
Фото: мүнөө үеын соёл уралигай "Залуу" түб
