44
Октябриин 12, гарагай 2, буряад-монгол литээр шэнын 2.
2-то айраг тараг бүрихэдэ, эмнэлгэ эхилхэдэ, тушаалда томилходо, хубсаһа хунар эсхэхэдэ, барилга эхилхэдэ, пеэшэн табихада, газар хахалхада, таряа ногоо тарихада, эд бараа, адуу мал худалдан абахада һайн. Адуу мал хүнгэлхые, үһэ нооһыень хайшалхые, замда гарахые тэбшэхэ.
«Наймаанай» үүдэн нээгдэнэ: олзын хэрэг эрхилхэгүй.
Энэ үдэр «морин үхэхэ, эмээл хухарха» ушарһаа харгыда гарахада муу, илангаяа зүүн зүг руу.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.
Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – үбшэндэ, хэрүүл аманда.
Октябриин 13, гарагай 3, буряад-монгол литээр шэнын 3.
Сог буянта Бальжиниматай үдэр амиды ба нүгшэһэнэй ямаршье үйлэдэ һайн. Энэ үдэр Синпүн гэхэ мэтэ газарай бусад эзэдэй байгаашье, али үгышье һаань, согто хутаг, буян болохо. Амгалан жаргалантай Дашиниматай үлзытэ үдэр - абишиг (Ваан) хайрлахада,
һайтар байгуулхада (рамнай үргэхэдэ), бурханай тахилга хэхэдэ һайн.
3-да замда гарахада, шэнэ гэртэ ороходо, тушаалда томилходо, хубсаһа хунар эсхэхэдэ, шэнэ гэр бодхооходо, газар хахалхада, таряа ногоо тарихада, малай нооһо хиргахада, эд бараа, адуу мал худалдажа абахада, худалдахада һайн. Худаг малтахада, бэриин үйлэнүүдые бүтээхэдэ муу.
«Хүбүүнэй» үүдэн нээгдэнэ: хүүгэдэй шухала хэрэг бүтээхэгүй, үһыень абахагүй, гэрһээ холо эльгээхэгүй.
Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада – баялигта.
Октябриин 14, гарагай 4, буряад-монгол литээр шэнын 4.
4-дэ багша, шаби болоходо, модо тайрахада, модоор уран дарха хэхэдэ, адуу малай үһэ нооһыень хайшалхада, тэдэниие гаргахада, бэриин хэрэгүүдые бүтээхэдэ һайн. Дэгэл хубсаһа эсхэхые, адуу мал хүнгэлхые, худалдаа наймаа ябуулхые тэбшэхэ.
«Сэрэгэй» үүдэн нээгдэнэ: сэрэг хүдэлгэхэгүй, заргалдахагүй.
Энэ үдэр харгыда гарахада, баруун зүг руу муу, бэшэ зүгүүд руу зүглэхэдэ һайн.
Амгалан тайбанай, мориной хэшэг даллага абахада һайн.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – бэеын эрхэтэнэй хүсэн, шэг шарай һайжарха.
Октябриин 15, гарагай 5, буряад-монгол литээр шэнын 5.
5-да багша, шаби болоходо, замда гарахада, бусажа ерэхэдэ, гүү барихада, мал хүнгэлхэдэ, адуу малай үһэ нооһыень хайшалхада, газар хахалхада, таряа ногоо тарихада, хүүр залахада һайн. Модоор уран дарха хэхые, нүүхые, дэгэл хубсаһа эсхэхые, худалдаа наймаа хэхые, наһа барагшын үйлэ бүтээхые тэбшэхэ.
«Түрэлнүүдэй» үүдэн нээгдэнэ: түрэл гаралнуудтаяа найрлахагүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Амгалан тайбанай, хүүгэдэй хэшэг даллага абахада һайн. Тахяа, үхэр, могой жэлтэй хүнүүдтэ хии мориёо хиидхэхэдэ һайн. Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – баялигта.
Октябриин 16, гарагай 6, буряад-монгол литээр шэнын 6.
6-да газар хахалхада, таряа ногоо тарихада, адуу мал номгоруулхада, һургахада һайн. Аралжаа наймаа хэхые, адуу малай үһэ нооһыень хайшалхые, эд бараа, адуу мал худалдажа абахые, худалдахые, хажуу тээшэнь үгэхые, дэгэл хубсаһа эсхэхые тэбшэхэ.
«Хэрэмэй» үүдэн нээгдэнэ: гэрэй hуури татахагүй, гэр байра заһабарилхагүй, зөөлгэхэгүй.
Харгыда гарахада, зүүн зүг руу муу, бусад зүг руу гэмгүй.
Хониной хэшэг даллага абахада һайн. Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – зүһэ шарай муудаха.
Октябриин 17, гарагай 7, буряад-монгол литээр шэнын 7.
7-до айраг тараг бүрихэдэ, шэнэ гэр бодхооходо, пеэшэн табихада, газар уһантай холбоотой ажалнуудые, наһа барагшын хэрэгүүдые бүтээхэдэ һайн. Адуу малай үһэ нооһыень хайшалхые, эд бараа, адуу мал худалдажа абахые, дэгэл хубсаһа эсхэхые тэбшэхэ.
«Бэриин» үүдэн нээгдэнэ: хурим түрэ наадахагүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ гэмгүй.
Амгалан тайбанай, таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ, һайн үдэр.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.
Үһэеэ абхуулхада – хэрүүл аман дэлгэрхэ, аминда харша.
Октябриин 18, гарагай 1, буряад-монгол литээр шэнын 8.
Отошо бурханай дүйсэн үдэр.
8-да адуу мал хүнгэлхэдэ, гаргахада, агнахада, ада шүдхэр дарахада һайн. Адуу малай үһэ нооһыень хайшалхагүй, эд бараа, адуу мал худалдан абахагүй, газар таряалангай ажал хэхэгүй, дэгэл хубсаһа эсхэхэгүй, оёхогүй, шэнэ хубсаһа үмдэхэгүй, замда гарахагүй, бэриин хэрэг бүтээхэгүй, хүүр залахагүй.
«Үхээриин» үүдэн нээгдэнэ: наһа барагшые хүдөө табихагүй.
Энэ үдэр «морин үхэхэ, эмээл хухарха» ушарһаа харгыда гарахада муу, илангаяа зүүн зүг руу.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн. Луу жэлтэнэй урагшатай, һайн гараг.
Үһэеэ абхуулхада – наhан утадхагдаха.
Жаргал лама ДУГДАНОВ бэлдэбэ.
