726
Сентябриин 21, гарагай 2, буряад-монгол литээр 10.
Бадмасамбавын дүйсэн үдэр.
10-да тушаалда томилходо, дэгэл хубсаһа эсхэхэдэ, айраг тараг бүрихэдэ, газар хахалхада, таряа ногоо тарихада, адуу малай үһэ нооһыень хайшалхада һайн.
Эд бараа, адуу мал худалдажа абахые, худалдахые, замда гарахые, гэр байра барихые, бэриин үйлэ бүтээхые тэбшэхэ.
“Ниитын” үүдэн нээгдэнэ: суглаа зарлахагүй, шухала уулзалгада муу.
Энэ үдэр харгыда гарахада муу, илангаяа баруун зүг руу.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.
Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – жаргалда.
Сентябриин 22, гарагай 3, буряад-монгол литээр 11.
11-дэ тушаалда дэбжүүлхэдэ, шэнэ гэр байшан барихада, пеэшэн табихада, харгы гаргахада, барихада, адуу мал номгоруулхада, һургахада, мал хүнгэлхэдэ, гаргахада, түрэ найр хэхэдэ, сэсэрлиг байгуулхада, үриеэ бусаахада, нэрэ үгэхэдэ болон газар таряалангай хэрэгүүдтэ һайн.
Дэгэл хубсаһа эсхэхэдэ, ханаха, төөнэхэдэ, адуу малай үһэ нооһо хайшалхада, һургахада, эд бараа, адуу мал худалдан абахада, худалдахада, аралжаа наймаа хэхэдэ, ханаха, төөнэхэдэ муу.
“Айлшанай” үүдэн нээгдэнэ: айлшадые урихагүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада – мэдэрэл хурсадаха.
Сентябриин 23, гарагай 4, буряад-монгол литээр 12.
12-то айраг тараг бүрихэдэ, пеэшэн табихада, һубаг татахада, албан газарай хэрэгүүдые бүтээхэдэ, тушаалда дэбжүүлхэдэ, зарлигуудые, сэрэгэй, ажалай түсэлнүүдые тунхаглахада; газар хахалхада, таряа ногоо тарихада, мал хүнгэлхэдэ һайн.
Эд бараа, адуу мал худалдажа абахые, худалдахые, аралжаа наймаа ябуулхые, дэгэл хубсаһа эсхэхые, адуу малай үһэ нооһыень хайшалхые, замда гарахые тэбшэхэ.
“Наймаанай” үүдэн нээгдэнэ: олзын хэрэг эрхилхэгүй.
Энэ үдэр “морин үхэхэ, эмээл хухарха” ушарһаа харгыда гарахада муу, илангаяа зүүн зүг руу.
Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – үбшэндэ, аминда харша.
Сентябриин 24, гарагай 5, буряад-монгол литээр 13.
13-да гал тахихада, албан газарай хэрэгүүдтэ, тушаалда томилходо, гэр байшан бодхооходо, заһабарилхада, пеэшэн табихада, уһанай хаалта бодхооходо, шэнэ гэр бүлэ байгуулхада, угаалга хүүлэхэдэ, адуу малай үһэ нооһо хайшалхада, газар таряанай хэрэгүүдтэ, гүү барихада, замда гарахада һайн. Дэгэл хубсаһа эсхэхэдэ, түрэ хурим наадахада, худаг, һубаг малтахада, эд бараа, адуу мал худалдан абахада, худалдахада муу.
“Хүбүүнэй” үүдэн нээгдэнэ: хүүгэдэй шухала хэрэг үйлэдэхэгүй, үһыень абахагүй, гэрһээ холо ябуулхагүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн. Амгалан тайбанай, хүүгэдэй хэшэг даллага абахада һайн. Тахяа, үхэр, могой жэлтэй хүнүүдтэ хии мориёо хиидхэхэдэ һайн.
Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – жаргалда.
Сентябриин 25, гарагай 6, буряад-монгол литээр 14.
14-дэ шэнэ гэр, байшан барихада, шэнэ гэр бүлэ байгуулхада, эд бараа, адуу мал худалдан абахада, худалдахада, аралжаа наймаа ябуулхада, малай үһэ нооһыень хайшалхада, замда ябахада һайн.
Нүүхые, дэгэл хубсаһа эсхэхые, адуу мал хүнгэлхые, таряа ногоо тарихые тэбшэхэ.
“Сэрэгэй” үүдэн нээгдэнэ: сэрэг хүдэлгэхэгүй, заргалдахагүй.
Харгыда гарахада, зүүн зүг руу муу, бусад зүг руу зүглэхэдэ һайн.
Амгалан тайбанай, хониной хэшэг даллага абахада һайн.
Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – баялигта.
Сентябриин 26, гарагай 7, буряад-монгол литээр 15.
Абида бурханай дүйсэн үдэр.
15-да замда гарахада, шэнэ гэр байшан барихада, газар хахалхада, таряа ногоо тарихада, эд бараа, адуу мал худалдан абахада, худалдахада, мал гаргахада, үһэ нооһыень хайшалхада һайн.
Нүүхые, дэгэл хубсаһа эсхэхые, адуу мал хүнгэлхые, уриһаар абахые, үгэхые, наһа барагшын, бэриин үйлэнүүдые бүтээхые тэбшэхэ.
“Түрэлнүүдэй” үүдэн нээгдэнэ: түрэл гаралнуудтаяа найрлахагүй.
Энэ үдэр харгыда гарахада, урда зүг руу муу, бэшэ зүг руу гэмгүй.
Амгалан тайбанай, таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ, һайн үдэр.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.
Үһэеэ абхуулхада – үлзытэй, гэбэшье һүнэһэн толгойдо оршоно.
Сентябриин 27, гарагай 1, буряад-монгол литээр 16.
16-да албан газарай хэрэгүүдые үйлэдэхэдэ, тушаалда томилходо, анда нүхэр, багша, шаби болоходо, угаалга хүүлэхэдэ, дэгэл хубсаһа эсхэхэдэ, газар малтахада, хахалхада, таряа ногоо тарихада, аралжаа наймаа ябуулхада, адуу малай нооһо хайшалхада, хүнгэлхэдэ һайн.
Барилгын ажал хэхэгүй, агнахагүй, заргалдахагүй, замда гарахагүй.
“Хэрэмэй” үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.
Энэ үдэр харгыда гарахада муу, илангаяа баруун зүг руу.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.
Луу жэлтэнэй урагшатай, һайн гараг.
Үһэеэ абхуулхада – үбшэндэ.
Жаргал лама ДУГДАНОВ бэлдэбэ
Фото: Анна Огородник
