753
Сентябриин 28, гарагай 2, буряад-монгол литээр 17.
Сог буянта Бальжиниматай үдэр амиды ба нүгшэһэнэй ямаршье үйлэдэ һайн. Энэ үдэр Синпүн гэхэ мэтэ газарай бусад эзэдэй байгаашье, али үгышье һаань, согто хутаг, буян болохо.
Амгалан жаргалантай Дашаниматай үлзытэ үдэр - абишиг (Ваан) хайрлахада, һайтар байгуулхада (рамнай үргэхэдэ), бурханай тахилга хэхэдэ һайн.
17-до замда гарахада, гэр байшан барихада, пеэшэн табихада, шэнэ гэр бүлэ байгуулхада, аралжаа наймаа хэхэдэ, дэгэл хубсаһа эсхэхэдэ, наһа барагшын хэрэгүүдые бүтээхэдэ һайн.
Мал хүнгэлхые, үһэ нооһыень хиргахые, эд бараа, адуу мал худалдажа абахые, уһанай хаалта бодхоохые тэбшэхэ.
“Бэриин” үүдэн нээгдэнэ: хадаг табихагүй, хурим түрэ наадахагүй.
Харгыда гарахада, баруун зүг руу муу, бусад зүг руу һайн.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.
Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – нюдэнэй хараа муудаха, зүһэ шарай доройтохо.
Сентябриин 29, гарагай 3, буряад-монгол литээр 18.
18-да гал тахихада, айраг тараг бүрихэдэ, пеэшэн табихада, адуу малай нооһыень хайшалхада, хүнгэлхэдэ, газар хахалхада, таряа ногоо тарихада һайн.
Замда ябахые, тушаалда томилхые, шэнэ гэр барихые, дэгэл хубсаһа эсхэхые, эд бараа, адуу мал худалдан абахые тэбшэхэ.
“Үхэлэй” үүдэн нээгдэнэ: хүүр залахагүй.
Энэ үдэр харгыда гарахада муу, илангаяа зүүн зүг руу.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада – гарза гараха.
Сентябриин 30, гарагай 4, буряад-монгол литээр 19.
Тэрсүүд үдэр харгыда гарахые, нүүхые болон бэриин үйлэ бүтээхые, хүдөө гаргахые тэбшэхэ.
19-дэ харгыда ябахада, угаалга хүүлэхэдэ, шэнэ гэр бодхооходо, газар хахалхада, таряа ногоо тарихада һайн.
Адуу малай нооһыень хайшалхые, эд бараа, адуу мал худалдан абахые, албан газарай шухала хэрэгүүдые, тушаалда дэбжүүлхые, ургаса хуряахые, бэриин, наһа барагшын үйлэнүүдые бүтээхые тэбшэхэ.
“Үхэлэй” үүдэн нээгдэнэ: хүүр залахагүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.
Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – Бурхан багшын һургаал дэлгэрхэ.
Октябриин 1, гарагай 5, буряад-монгол литээр 20.
20-до эд бараа, адуу мал худалдажа абахада, худалдахада, дэгэл хубсаһа эсхэхэдэ, газар хахалхада, таряа ногоо тарихада, адуу малай үһэ нооһыень хайшалхада һайн. Бэриин үйлэ бүтээхые, тушаалда дэбжүүлхые, сэрэгэй хэрэг түсэблэлгые, замда ябахые, гэр байра барихые, найр наада тэбшэхэ.
“Ниитын” үүдэн нээгдэнэ: суглаа зарлахагүй, шухала уулзалга эмхидхэхэгүй.
Энэ үдэр “морин үхэхэ, эмээл хухарха ушарһаа” харгыда гарахада муу, илангаяа зүүн зүг руу.
Амгалан тайбанай, хүүгэдэй хэшэг даллага абахада һайн. Тахяа, үхэр, могой жэлтэй хүнүүдтэ хии мориёо хиидхэхэдэ, һайн үдэр. Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – үлэсхэлэндэ, ангалгада.
Октябриин 2, гарагай 6, буряад-монгол литээр 21.
21-дэ эд бараа, адуу мал худалдан абахада, замда ябахада, газар таряанай, албан хэрэгүүдые бүтээхэдэ һайн.
Бэриин хэрэгүүдые бүтээхэдэ, тушаалда дэбжүүлхэдэ, дэгэл хубсаһа эсхэхэдэ, адуу малай үһэ нооһо хайшалхада муу.
“Айлшанай” үүдэн нээгдэнэ: айлшадые урихагүй.
Энэ үдэр харгыда гарахада, урда зүг руу муу, бэшэ тээшэ һайн.
Амгалан тайбанай, хониной хэшэг даллага абахада һайн.
Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – халдабарита үбшэндэ.
Октябриин 3, гарагай 7, буряад-монгол литээр 22.
22-то бэшэг номдо, зурхайда, урлаха аргануудта һурахада, газар хахалхада, таряа ногоо тарихада, эд бараа, адуу мал худалдан абахада, адуу мал һургахада, гаргахада, үһэ нооһыень хайшалхада һайн.
Замда гарахые, шэнэ гэр, байшан барихые, дэгэл хубсаһа эсхэхые, наһа барагшын, бэриин үйлэнүүдые бүтээхые тэбшэхэ.
“Наймаанай” үүдэн нээгдэнэ: олзын хэрэг эрхилхэгүй.
Амгалан тайбанай, таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ, һайн үдэр.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.
Энэ үдэр харгыда гарахада муу, илангаяа баруун зүг руу.
Үһэеэ абхуулхада – үбшэндэ.
Октябриин 4, гарагай 1, буряад-монгол литээр 23.
23-да гал тахихада, дэгэл хубсаһа эсхэхэдэ, замда гарахада, газар хахалхада, таряа ногоо тарихада, адуу мал худалдан абахада, үһэ нооһыень хайшалхада, шэнэ гэр барихада, пеэшэн табихада, уһанай хаалта бодхооходо һайн.
Адуу мал, эд бараа худалдахагүй, худалдажа абахагүй, худаг, һубаг малтахагүй, нүүхэгүй.
“Хүбүүнэй” үүдэн нээгдэнэ: хүүгэдэй шухала хэрэг бүтээхэгүй, үһыень абахагүй, гэрһээ холо эльгээхэгүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Амгалан тайбанай, эдеэ унданай, баялигай, адуу малай хэшэг даллага абахада һайн.
Луу жэлтэнэй урагшатай, һайн гараг.
Үһэеэ абхуулхада – баялигта.
Жаргал лама ДУГДАНОВ бэлдэбэ.
Фото: Анна Огороднигой гэрэл зураг.
