«Монгол» гэһэн үбэлэй фестиваль хүршэ гүрэндэ эхилбэ

Хосорхо туйлдаа хүрэһэн мазаалай - Гобиин баабгай тус фестивалиин һүлдэ тэмдэг болонхой. Эд зөөреэр сэгнэшэгүй Монголой соёлой уг залгамжын баялигтай олониие танилсуулха зорилготойгоор эдэ хэмжээ ябуулганууд эмхидхэгдэнэ.

Мүльһэнэй уласхоорондын «Мазаалай» мүрысөөндэ мүльһөөр хэгдэһэн 28 бүтээлнүүд, тиихэдэ Сагаан һарын найрта дашарамдуулһан үзэсхэлэнгүүд дэлгэдэнхэй. Эдэ бүгэдэ нүүдэлшэ арадай байдал, соёлтой танилсуулжа, заншалта хубсаһан, ёһо заншал, эдеэ хоол болон арадай наадануудта анхарал татана.

Хабаадагшад мүльһэн дээрэ номо һуршаар харбана, шагай наадана, нохойнуудта шэрүүлэн һолжорно. Фестивальда хабаадагшад тэмээн хамбы, ангууша нохойнуудай урилдаа хаража, Монголой банхар нохойтой танилсана.

- Монголой һонирхол татама соёл уралиг хажуудамнай. Гайхамшаг, мартагдашагүй мэдэрэлдэ абтахаяа холошье ошоһоной хэрэггүй байшабал, - гэжэ Эрхүү хотын аяншалагшад хэлэнэ.

Улаан-Баатар хотын «Гарден» гэһэн үндэһэтэнэй парк нүүдэлшэдэй «Монгол» фестивальда мянгаад хабаадагшадые суглуулаа. Монголоор аяншалагшад үбэлэй Монголоор һонирхохо байха гэжэ хотын захиргаан найдана. Юундэб гэхэдэ, аяншалга хүгжөөлгэ хадаа хүршэ гүрэнэй экономикын шухала гурбан һалбаринуудай нэгэн болоно.